網友與男朋友同居被對方嫌棄！僅一星期即被趕走，男友指最頂唔順一樣嘢

同戀人再甜蜜都好，同居就會見到對方嘅「真性情」。喺討論區有網友開post指同男友開展同居生活，點知僅僅一星期大家就睇對方唔順眼，樓主擔心佢哋好快就會分手。

Photo from 《香港愛情故事》

所謂「相見好，同住難」，同居一室平日嘅生活習慣完全公開晒畀另一半睇，唔係個個都接受到，分分鐘令一對甜蜜愛侶變成陌路人。

Photo from 《紀念日》

日前有網友喺香港討論區以「一個禮拜同居生活，男朋友趕我走」為題開post，樓主表示男朋友原本一個人租緊樓自住，想試下同居甜活，於是叫樓主搬去佢到住。

Photo from 《老婆大人2》

樓主表示男友為人真係幾好，而自己亦係將對方當係結婚對象咁發展，所以對於同居生活，樓主都覺得幾期待。

Photo from 《老婆大人2》

估唔到住咗兩日，樓主男朋友已經對佢頗有微言，指樓主唔執沖涼位啲頭髮，好唔乾淨，而樓主就心諗：「呢啲一個禮拜清一次都OK啦...」

Photo from 《原諒他77次》

樓主表示佢亦對男友有好多不滿，覺得對方咩都要管，真係覺得佢煩咗好多。

同居生活僅開結咗一個星期，男友更直言不如都係分開住算。樓主非常擔心：「遲啲係咪要同我分手啦」

Photo from 《樓奴》

唔少網友都表示兩個人一齊住，生活習慣唔同點都會增加磨擦、嗌交嘅機會，有啲地方要大家互相遷就，建議樓主同男友坐底傾下。

Photo from 香港討論區

Photo from 香港討論區

Photo from 香港討論區

不過有網民就指樓主唔執頭髮的確有問題：「正常女仔每次清，每個禮拜咁邋遢」、「塞渠要清時果個唔係你，你緊係覺得唔日日清冇問題la」、「點解可以講到自己冇問題咁既....?」

Photo from 香港討論區

Photo from 香港討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）