download HolidaySmart 假期日常 app
港男準備求婚 驚覺女友異常關注好兄弟 成日想「借啲意」見佢!網民:真係你女友定當你係兵?

港男準備求婚 驚覺女友異常關注好兄弟 成日想「借啲意」見佢!網民:真係你女友定當你係兵?

生活熱話
By Cheryl on 25 Jun 2021
Digital Editor

唔少人拍拖都希望伴侶同自己朋友打好關係,但雙方太熟絡,另一半又會呷醋。近日,有港男上網發文指,佢發現女友非常關注自己好友,常透過IG捕捉佢好友嘅行蹤,令事主失去安全感,遂問網民意見。

愛回家之開心速遞 TVBPhoto from 愛回家之開心速遞 TVB

日前,一名港男於香港討論區發文分享有關佢擔心女友太留意自己好友A嘅事。佢表示,A係佢大學時期出生入死嘅好兄弟,現在喺工作上會間中合作;而女友則一齊咗一年半,兩人小學時期已認識,但直至近年工作碰面才展開關係。事主正計劃求婚。

愛回家之開心速遞 TVBPhoto from 愛回家之開心速遞 TVB

事主補充,女友未同自己拍拖時已喺IG follow佢好友A,女方同事主行埋後先知道佢同A讀大學時已認識。

跳躍生命線 TVBPhoto from 跳躍生命線 TVB

但係,近期發生咗幾件事導致事主開始呷醋。有一次,事主同女友聊起大家心目中有咩女神,雙方都鐘意周慧敏(Vivian),然後,事主提起好友A都曾經好咪周慧敏,仲會專門認識叫Vivian嘅女仔。此時,事主女友突然好大反應話:「我唔想知呀!」

真相 TVBPhoto from 真相 TVB

又有一晚,當事主同女友各自於尖沙咀吃飯時,男方收到女友短訊求救,話自己無帶信箱匙,希望有佢屋企後備匙嘅男友可以盡快幫手拎比佢。事主則叫女方前往自己同一班兄弟嘅食飯地點攞鎖匙。女方開頭害羞拒絕,但後來A後join事主飯局,半個鐘後,女方致電男友表示「你哋未食完飯嘅我想過嚟say個hi」。事主開頭不解,但當見到A發佈飯局嘅IG限時動態就恍然大悟了。

幕後玩家 TVBPhoto from 幕後玩家 TVB

到最近,事主要到西環開會,當晚被女友問佢係咪同A傾公事,事主笑言:「你直覺咁準嘅?」,然而佢心知女友係因為見到A上載咗到西環嘅IG帖文,先問自己係咪見過A。

幕後玩家 TVBPhoto from 幕後玩家 TVB

由於朋友A曾被事主女友加Facebook好友,而問事主雙方佢兩人是否相識,知道關係後並無其好友邀請,所以事主相信朋友A係清白,只係佢對女友仍耿耿於懷,「之但係我女友未免太留意佢,心哽住哽住,係咪多心左?可以點做?」

愛回家之開心速遞 TVBPhoto from 愛回家之開心速遞 TVB

唔少網民聽完分享,都質疑朋友A是否真係同事主女友無聯絡過,遂叫事主先查清二人關係,又認為若事主同A真係好朋友,就應該先向A表明疑慮,先發制人。

香港討論區 評論Photo from 香港討論區 評論

亦有網友建議事主應主動安排A跟女友、及自己一起見面遊樂,例如到蘭桂坊玩一晚,「靜雞雞留意你條女同你朋友(互動),你就知道答案」;或者叫A另帶女伴,與樓主及女友嚟個四人約會,再留意女友及A反應後再作決定。

香港討論區 評論Photo from 香港討論區 評論

香港討論區 評論Photo from 香港討論區 評論

有其他網民則懷疑事主女友根本無當佢係男友,「會唔會你只係兵?」

香港討論區 評論Photo from 香港討論區 評論

另有人指,事主女友可能係心靈出軌,只要無做出越線行為,情況又無持續嘅話都可以接受,但如果佢長期過度關心好友A,則應考慮攤牌。事主將此意見置頂,相信佢都深表同意。

香港討論區 評論Photo from 香港討論區 評論

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel