盤點5個明星豪華住所! 雨僑日系新居曝光/宋熙年廚房大到可以跳舞！

唔少明星都住得豪華，日前，雨僑拍片公開新屋內部，目測過千呎，客廳有兒童遊玩間，仲有無敵大海景！除咗佢之外，仲有其他藝人都曾經將靚屋曝光，即刻帶大家睇睇！

#雨僑

藝人雨僑早前與老公羅力威及女兒搬入位於油塘Peninsula East嘅新屋，並上載Room Tour片到個人YouTube頻道，公開新居佈置。其內部空間非常寬敞，並以白色及木色嘅簡潔日系風為主題。

由於雨僑想準備一個空間畀長老同家務助理跟年幼女兒玩耍，所以佢喺客廳設置咗一個用大型軟墊包圍起嚟嘅兒童玩樂間，而出面仲有好多走動空間。

但最吸引雨僑一家搬入嘅係客廳，可觀賞啟德郵輪碼頭嘅無敵大海景！

#張頴康、麥雅緻

無線藝人張頴康與老婆結婚9年，育有 一子一女，一家生活幸福美滿。早前，張穎康喺Facebook專頁「張頴康麥雅緻」上載為大女慶生派對相片，為咗畀大家玩得開心，佢更將後花園變成一個好適合小童玩嘅水上樂園！

相片中可見，佢喺後花園放置了一座吹氣瀡滑梯、一個小型游泳池後，小朋友仲有好多空間嬉戲。而屋內環境亦非常充裕，邀請幾個家庭嚟開派對都無問題。

＃陳智燊、宋熙年

陳智燊、宋熙年近年專注做KOL，拍片分享時尚生活日常。最近兩人搬屋，拍攝House Tour影片，比觀眾近距離睇佢哋搬家情況。新屋共有四間房，除咗有主人套房、兩間小朋友房外，更有一間客房。

一入門口已能見到巨型鞋櫃，畀佢哋盡情買鞋。但最矚目嘅莫過於廚房，陳智燊仲講笑指有300呎。雖然宋熙年唔同意，但可見廚房空間大到邊煮邊跳舞都無問題。

#葉翠翠

前港姐冠軍葉翠翠榮升人母後將重心轉移做親子KOL。佢喺2015年同商人周曉東結婚，婚後三年抱三，佢哋一家現居於港島紅山半島約3,000呎嘅獨立屋，務求讓三個兒子有足夠空間活動。家居以柔和米白色為主調，客廳地板及牆身都用雲石紋舖砌。

客廳除咗有巨大玻璃櫃放擺設外，更可變成仔仔們嘅遊樂場，放置波波池同射籃遊戲都無問題!

翠翠亦會喺花園設置吹氣泳池，等一家大細可於炎炎夏日嬉水消暑。

#張新悅

近年已淡出娛樂圈嘅張新悅早前同女兒們及老公慶祝父親節，並上載影片到IG。片中可見其家居面積非常大，以白色為主調。佢哋要經過長走廊先走到客廳，擺放家品及佈置後仍然有充裕嘅活動空間，啱曬佢哋呢種多人家庭居住。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）