港女難忍男友樣樣計到盡！力數3大小家行為！AA制1個鐘內要收錢

男女朋友出街花費當然唔少得，近日有網友喺討論區發文指男朋友為人小家，咩都斤斤計較，又列出3大例子，令網友都表示「大開眼界」！

Photo from 原諒他77次

有網友喺香港討論區開post：「男朋友好小家，咩都斤斤計較」，樓主指近排轉咗個新嘅男朋友, 男友本身家境同工作都有錢，又好有學識，樓主表示同男友傾計都幾開心。

Photo from 熟女強人

但新男友亦有缺點，樓主指對方係咩都會都同佢計較：「計錢計時間，話係家教黎」，之後樓主列舉咗3個例子。

Photo from TVB

首先，樓主表示男友會要求佢食飯AA制，樓主話佢覺得AA制無問題：「但佢居然係叫完野食後直接係whatsapp send條pay me link黎, 留言叫一個小時內要比佢...」

Photo from TVB

不過呢樣嘢未算最盡，最誇張嘅係，樓主男友係會計到小數點！令樓主相當崩潰：「佢居然計小數點, 係小數點啊!!!!!!!!!!!!!!!!!!!!!!!!!!!」

Photo from TVB

第二係試過一齊去米線舖食飯，叫咗5隻土匪雞翼，但樓主男友居然事後話佢淨係食咗兩隻土匪雞翼，所以只會畀兩隻嘅錢：「然後佢話佢唔太想食蒜泥白肉, 叫我食多4分之1, 最後再計番我4分之1嘅錢......」

Photo from TVB

最後就係樓主同男友一大班朋友一齊去新嘅龍尾泳灘玩，點知回程嘅時候佢男友特別再三叮囑朋友佢哋會早啲落車，只會計到嗰到嘅車程。

Photo from TVB

樓主難以忍受：「我就黎癲啦......」，有唔少網友都表示「大開眼界」：「婆乸數都計, 佢係會計人才」、「你男朋友是會計嗎？這麼能算。」

Photo from 香港討論區

Photo from 香港討論區

有網友呼籲分手：「分手，計得咁清楚，行落去既人生都冇意義」、「我會選擇分手，咩都計著計著，咁樣一齊好辛苦！」、「男人計小數點好肉酸...」

Photo from 香港討論區

Photo from 香港討論區

亦有網友民指唔算大問題：「佢無淨計你對朋友都一樣，都仲有朋友，証明佢嘅問題不大」、「可能你男朋友精打細算姐」、「成日話香港男仔計較無風度，好似老憑咁。不如試下同外國人拍拖，人地母子父子兄弟或姐妹圍內都係AA制」

Photo from 香港討論區

Photo from 香港討論區

Photo from 香港討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）