港男因為買錯飲品而激嬲女友?! 盤點5個網民唔理解女友嬲嘅事

成日聽人講男仔同女仔諗嘅嘢好唔同，呢個亦成為咗唔少情侶間成日爭吵嘅主要原因！近日，有位港男就表示女友竟然因為買錯飲料而導致女友超嬲，而罪魁禍首竟然係手機嘅emoji？！

Photo from TVB

相信大家都成日會見到男友們喺討論區訴苦大呻「唔知點解激嬲女友」嘅事情，當中唔少原因更加係令大家大跌眼鏡！日前，有位港男就喺香港討論區表示因為幫女友買錯飲品，所以導致女友暴怒！但佢就表示十分冤枉，因為元兇竟然係部電話？！

Photo from 香港討論區

事源係港男透過訊息詢問女友「想飲咩？」，當時女友就用emoji回答佢，而港男見到之後就買咗菊花茶俾佢。當女友見到飲品時，佢就好嬲話「點解會買錯！」，再加上女友原本就唔鍾意菊花茶，火上加油，令女友更加嬲！

Photo from TVB

後來，港男發現原來Android機同Apple手機嘅Emoji顯示有所不同，先會導致今次嘅誤會發生。由港男嘅手機所顯示，女友所send嘅emoji係一個印有太陽標緻嘅紙包飲品；不過女友手機顯示嘅就係蘋果紙包飲品！港男借此提醒一班男友們，希望佢哋引以為鑑～

Photo from 香港討論區

Photo from 香港討論區

其實討論區不時都會有男友們喺網上訴苦嘅post，而「唔明點解激嬲女友」嘅就佔大多數！而家就等我哋一齊睇下網民們曾經分享過嘅經歷啦～

衰為食？！

正所謂「民以食為天」，唔少人都覺得食嘢係世界上最幸福嘅事，港男們如果你女友係屬於鍾意食嘢嘅話就一定要特別注意喇！唔少港男都表示自己曾經因為食咗女友嘅食物，而導致女友嬲咗。

Photo from 連登討論區

Photo from 連登討論區

冇同女友講電話

有港男就分享自己因為好眼瞓，11點就瞓著咗，所以無法同12點先放工嘅女友傾電話！第二日，起身發現女友竟然因為咁樣而嬲咗，責罵男友連少少時間都唔願意預留俾佢！

Photo from 連登討論區

Photo from TVB

攝影技巧不足

而家唔少女仔都鍾意影打卡相，因此港男們需要有一定嘅攝影技能先可以「生存」！有港男就話女不滿影嘅相唔夠靚，成個鐘頭都黑晒面，後來仲喺度喊，令佢十分不知所措。

Photo from 連登討論區

Photo from TVB

口不對心系列

唔少女仔嬲嘅時候都會口不對心，希望男友能夠主動哄返佢，然而好多男仔都未能夠掌握到呢個竅門～例如：女友同男友講唔需要接佢放工，但事實係女友就係希望你可以偷偷地去接佢放工等。

Photo from 連登討論區

Photo from 連登討論區

千奇百趣系列

女友嬲嘅理由非常多，有好多理由都令網民覺得好神奇！正如唔少網民所講嘅一樣，其實女友嬲你係唔需要任何理由～

Photo from 連登討論區

Photo from 連登討論區

其中好多港男都表示曾經經歷過因為女友發夢見到佢出軌而嬲，令佢哋覺得非常無奈～

Photo from 連登討論區

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）