男子用老婆生日日期買彩票贏$3870萬 分$120萬予妻購物 網民：咁小家！

中六合彩係唔少人夢寐以求嘅事，但規劃獎金運用可以好頭痕。內地一名男子用妻子生日日期填寫彩票號碼，最後中獎獲得人民幣3218萬元（約3870萬港元）。佢之後表示會分100萬元（約120萬港元）給妻子，卻遭網民批評太小家。

Photo from 六合彩攪珠 TVB

據報道指，重慶一名30多歲張姓男子最近到一間投注站，花了人民幣20元（約24港元）購買2注彩票，當中有1注使用倍數玩法，中獎金額可乘大5倍。張男用老婆生日填選號碼，結果中大獎，金額乘大後共獲得人民幣3218萬元獎金，佢亦即場捐贈10萬元（約12萬港元）作慈善用途。

Photo from 愛回家之開心速遞 TVB

張男又指，佢仲會利用當中100萬元還清房貸，同時為小孩聘請一對一名師家教。佢表示自己物慾唔高，唔會考慮買車及奢侈品，佢希望將獎金規劃妥當，亦會考慮退休。

Photo from 97家有囍事 截圖

張男透露，佢買咗十幾年彩票，由數年前開始以妻子嘅生日日期填選特別號碼，其他號碼則係隨意挑選。今次妻子「協助」佢成功中獎，張男表示佢會分100萬人民幣畀妻子「清空網購購物車」。

Photo from Do姐再Shopping TVB

報道引起網民熱議，唔少人直斥張男太小家，尤其當初因為妻子才中獎，認為佢「出手」太低。亦有網民話，「雖然張男本人慾望唔高，但唔代表佢老婆都係！」

Photo from 愛回家之開心速遞 TVB

但另有網民表示，如果自己有百幾萬購物已經好開心，並認同張男將更多獎金用喺其他人生規劃項目嘅做法。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）