碧咸大仔Brooklyn 8000萬愛巢曝光！未婚妻家底豐厚！爸爸身家超碧咸夫婦4倍

娛樂新聞

By Jennifer on 30 Jun 2021

Digital Editor

碧咸22歲大仔Brooklyn同女友Nicola Peltz訂婚一年，近日有報道指佢花1050萬美金（約港幣$8000萬）喺加州比華利山置入兩人新婚居所，愛巢極為豪華，有唔同嘅設施。

Photo from Nicola Peltz IG

碧咸大仔Brooklyn2020年喺Instagram宣佈向26歲變型金鋼女星Nicola Peltz求婚成功，雖然因為疫情原因兩人未能舉行婚禮，但訂婚一年嘅佢哋十分恩愛。

Photo from Brooklyn IG

近日有報道指Brooklyn同未婚妻以1050萬美金（約港幣$8000萬）嘅價格買咗美國比華利山一幢豪華別墅做婚房。

Photo from COMPASS

新居面積極大，採用落地玻璃，採光好好。而且全屋裝修風格非常奢華，以白色為主調，景觀開揚，屋內多處都可以遠眺屋外嘅自然風光。

Photo from COMPASS

全屋一共有5間套房、7間浴室及洗手間、Spa房、瑜伽/健身房、露天浴缸、桑拿房、蒸汽浴室、休閒室、果汁吧、泳池、花園等應有盡有。

Photo from COMPASS

Brooklyn喺著名嘅「星二代」，而佢未婚妻Nicola亦大有來頭，Nicola爸爸Nelson Peltz係美國投資大亨，膝下10名子女中Nicola係孻女，受盡萬千寵愛。

有指Brooklyn外父身家超過17億美元（約港幣$132億），係碧咸夫婦嘅4倍！Nicola出世住嘅別墅就有27間房，而Nelson Peltz亦會出錢幫愛女喺美國、英國舉辦兩場世紀婚禮。

圖片來源：COMPASS、Brooklyn Beckham IG、Nicola Peltz IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

碧咸9歲女兒哈七神還原2歲造型，被讚愈大愈有氣質！大仔布魯克林惡搞Victoria名曲放笑彈

1 Apr 2021

英國萬人迷前球星碧咸（David Beckham）女兒小哈七（Harper Seven）已經 9 歲喇，佢唔單止遺傳咗媽媽 Victoria 嘅顏值外，仲暴風長高添，9 嘅佢已經差唔多去到 Victoria 嘅膊頭，而早前佢更神還原 2 歲時包子頭造型，成功引嚟唔少網友讚佢係最美嘅氣質星二代！

萬人迷碧咸出名係女兒控，相信冇咩人唔知，自 2011 年有女兒小哈七出生後，唔止有爸爸寵小哈七外，佢仲有 3 個哥哥錫，簡直就好似公主一樣！小哈七從小就已經十分討人喜歡，白皙皮膚加上不時做出古靈精怪嘅表情，真係可愛度爆燈呀！

相信唔少粉絲都同小編一樣睇住哈七成長，碧咸成日都會帶住四個仔女一齊去睇媽媽 Victoria 嘅時裝騷，每次碧咸嘅大腿都係小哈七嘅專屬位置，而碧咸更會單手抱住小哈七周圍去添。

轉眼哈七已經 9 歲喇，能正值發育時期嘅佢喺 2020 年初時，站喺我爸爸同哥哥們身旁都只係到佢哋胸口位置，但最近佢突然增高咁唔少呀！

依家小哈七已經係一名亭亨玉立嘅小美人，五官輪廓亦變得深邃而精緻，看嚟佢盡的碧咸同 Victoria 嘅強大基因。

而早前佢就綁咁一個同兩歲多時一樣嘅小髮髻，再穿上白色吊帶連身裙，同以前相比，長大後嘅佢少咗肉肉嘅身形及稚氣，同時亦開始打扮，增添咗一份優雅嘅氣質美，十足十迷你版嘅 Victoria一樣！

另外，大仔布魯克林（Brooklyn）不嬲同 Victoria 嘅關係都好好，而最愛扮嘢嘅他最近就用換臉 app 將自己 key 咗上阿媽喺辣妹（Spice Girls）時期嘅名曲《Say You’ll Be There》 MV 上大放笑彈，依個百厭星仲驚死 Victoria 睇唔到專登 tag 埋佢添！不過佢哋咁玩得相信唔會嬲對方嘅！