港媽15歲兒子想去女友家住一星期　連女方父母都同意 港媽：俾佢話我守舊！

現今嘅青少年都比較早熟，早戀嘅現象更加係變得好普遍！有位媽媽就喺討論區表示自己讀緊高中嘅兒子話想暑假嘅時候，去女友屋企住一個星期，仲表示已經得到女友父母許可，令呢位媽媽十分苦惱，向網民求救！

Photo from TVB

相信唔少父母都唔希望自己嘅子女太早開始拍拖，驚佢哋會因此而荒廢學業同「搞出人命」，而呢個問題到而家都係父母們嘅熱門話題！有位媽媽就喺親子王國討論區，指自己現時15歲嘅兒子同佢講暑假時，想去女友屋企住一星期，令呢位媽媽十分驚訝！

Photo from 親子王國討論區

呢位媽媽直言同兒子關係一般，因為兒子而家正值反叛期，所以都唔敢管得太嚴，驚母子關係會變差。而佢認為兒子同女友嘅關係只係「純純的愛」，所以唔需要見對方家長。

Photo from TVB

佢表示兒子平時已經成日同女友一齊，一星期至少會搵對方5至6日，仲掛住拍拖成日都十二點幾先返到屋企。而今次提出過夜就係為咗方便日日見女友，唔洗專程搭車走嚟走去！兒子仲話自己已經獲得女友父母同爸爸嘅批准，只剩下媽媽嘅答覆。

Photo from TVB

呢位媽媽就話佢拒絕兒子嘅請求，兒子隨即發脾氣，仲責怪佢「思想守舊，連女友父母都批准啦！」，令呢位媽媽好苦惱咁詢問大家意見！

Photo from TVB

呢個post引起好多網民嘅關注，有網民就好詳細咁分析認為兒子可能講大話，為咗日日見女友而編故事；亦有部份網民認為呢位媽媽應該同女方嘅父母食個飯了解下，從而令自己更加了解兒子！

Photo from 親子王國討論區

Photo from 親子王國討論區

然而大部份嘅網民們都偏向覺得要拒絕兒子過夜嘅請求，因為覺得佢哋年紀尚少，只顧玩樂，未必會諗到後果，認為父母要盡責任制止佢哋！

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編