download HolidaySmart 假期日常 app
【聲夢傳奇】炎明熹13歲青澀素顏樣貌曝光! 化濃妝參加唱歌比賽 網民:完全唔似佢

【聲夢傳奇】炎明熹13歲青澀素顏樣貌曝光! 化濃妝參加唱歌比賽 網民:完全唔似佢

娛樂新聞
By Stephanie on 30 Jun 2021
Digital Content Writer

TVB節目《聲夢傳奇》嘅比賽進行得如火如荼!其中16歲嘅炎明熹(Gigi)亦係大熱人選之一,歌唱實力受網民讚賞,年紀輕輕嘅佢已經有唔少參加歌唱比賽嘅經驗。日前,有網民就翻出佢以前比賽嘅影片,令唔少網民都驚呼「同而家好大分別啊」!

廣告
廣告

炎明熹IGPhoto from 炎明熹IG

《聲夢傳奇》而家已經就快到尾聲,參賽者們都忙於為決賽做好準備。其中冠軍大熱人選炎明熹(Gigi)嘅表演都備受網民關注,佢喺節目中演唱《沒有你還是愛你》嘅影片已經突破170萬點擊率,唱歌實力備網民大讚!早前,炎明熹同導師AGA合唱《命硬》嘅片段亦被網民大讚,佢喺接受電台訪問時就表示合唱嘅壓力大過獨唱,驚會因為自己出錯連累導師!

《聲夢傳奇》YouTubePhoto from 《聲夢傳奇》YouTube

炎明熹IGPhoto from 炎明熹IG

其實炎明熹細細個就已經累積咗好多舞台經驗,12歲時就已經開始接受專業唱歌訓練,並且參加唔同嘅歌唱比賽。難怪網民會覺得佢嘅狀態相對較穩定同有個人風格嘅,而爆發力驚人嘅佢仲被網民稱為「少女G.E.M.」!

炎明熹IGPhoto from 炎明熹IG

近日,炎明熹以前參加比賽嘅兩條片段,再一次被網民翻出!其中一條影片係為《星聲Wannabe》所拍攝嘅,當時只得13歲嘅佢留言俾20年後嘅自己,而片中嘅佢仲用緊自己嘅真名王佳恩。由影片中可見,佢以全素顏示人,樣貌青澀,有網民就發現冇化妝嘅佢原來係眉毛比較淺,係一位「無眉娘」!

YouTube @ gigi炎明熹成長點滴記錄Photo from YouTube @

而另一條影片就係炎明熹2019年參加《全港流行聲樂大賽》時嘅表演片段,當時嘅佢實力就已經非常強,睇嚟呢幾年累積嘅比賽已經令佢十分有經驗喇!片中嘅佢話咗個好濃嘅妝,睇落十分成熟,再加上前額嘅瀏海,令佢睇落同年齡不符。

YouTube @ gigi炎明熹成長點滴記錄Photo from YouTube @

網民睇完影片之後,都表示同而家相比樣貌的確有啲差別,認為當時嘅佢好似外國人,不國有網民就反駁話好大機會只係因為化妝嘅風格唔同咗!但唯一冇變嘅就係佢嘅歌唱實力依然非常厲害,仲大讚佢當年嘅表演已經係超水準~

YouTube @ gigi炎明熹成長點滴記錄Photo from YouTube @

YouTube @ gigi炎明熹成長點滴記錄Photo from YouTube @

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel