download HolidaySmart 假期日常 app
《聲夢傳奇》姚焯菲爸爸曝光 高學歷任首席財務官 有型佬味濃 鐘意粉紅色有反差萌?!

《聲夢傳奇》姚焯菲爸爸曝光 高學歷任首席財務官 有型佬味濃 鐘意粉紅色有反差萌?!

娛樂新聞
By Cheryl on 02 Jul 2021
Digital Editor

《聲夢傳奇》播出後成為TVB話題節目,當中以姚焯菲(Chantel)人氣較為出眾,其歌唱實力及家庭背景都備受關注。近日,佢爸爸身份曝光,原來姚爸係外表有型嘅首席財務官!

姚焯菲 IGPhoto from 姚焯菲 IG

14歲嘅姚焯菲(Chantel)亮相《聲夢傳奇》後人氣急升,佢演唱《戀愛預告》片段嘅點擊率現時已超過3百萬,連佢飲水片段嘅YouTube點擊率都可以於一日內超過3萬嘅點擊率,雖然有人質疑數據有「水分」,但Chantel依然話題不斷。

TVB YouTubePhoto from TVB YouTube

Chantel屋企早前於《聲夢傳奇》嘅特備節目《STARIES聲夢定時動態》中曝光,係一間千呎豪宅,可見佢絕對係有家底嘅人。

STARIES聲夢定時動態 截圖Photo from STARIES聲夢定時動態 截圖

STARIES聲夢定時動態 截圖Photo from STARIES聲夢定時動態 截圖

唔少人想了解Chantel嘅身世,早前已有報道揭露佢父母都係會計師,爸爸更被指為防止「Chantel粉絲」吳業坤接近寶貝女而經常「跟到實」,其後被Chantel否認跟坤哥有關。

吳業坤 FBPhoto from 吳業坤 FB

從以上描述中可見姚爸對女兒呵護備至,唔少網民對其身份都感到好奇。近日,有報道透露姚爸爸係年約50多歲嘅姚輝文。佢學歷高,而且於大型財務公司任職高位!

STARIES聲夢定時動態 截圖Photo from STARIES聲夢定時動態 截圖

根據今翊資本(Nexus Point)官方網站所示,姚爸爸擁有威爾士大學(卡迪夫商學院)工商管理碩士學位、及紐卡斯爾大學文學士學位,佢亦係美國註冊會計師。佢現時為今翊資本(Nexus Point)擔任首席財務官及常務董事,此前亦為其他公司擔任過首席財務官,負責風險管理等事務。

今翊資本 官網Photo from 今翊資本 官網

姚爸爸除咗學歷高、CV勁外,外表亦都幾有型,甚有「佬味」,有網民認為以佢年齡嚟講保養得幾好。另外,Chantel豪宅早前於節目曝光時,曾向觀眾公開家庭照,雖然父母樣貌被遮蓋,但佢哋喺其中一幅夫妻合照都一同穿上粉紅上衣,節目組亦加上字幕指:「連爸爸都鐘意粉紅色」,睇嚟有型嘅姚爸爸有一點少女情懷!

STARIES聲夢定時動態 截圖Photo from STARIES聲夢定時動態 截圖

 

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel