download HolidaySmart 假期日常 app
港男同居4個月列出女友3大問題! 成地頭髮/一個星期唔洗頭

港男同居4個月列出女友3大問題! 成地頭髮/一個星期唔洗頭

生活熱話
By Stephanie on 05 Jul 2021
Digital Content Writer

唔少情侶都會選擇婚前同居,順便了解一下對方日常嘅生活習慣,互相磨合。最近,有位港男就喺討論區表示同女友同居咗4個月之後,女友嘅「真面目」開始曝光!佢仲列出咗3個難頂嘅行為,引起網民關注~

TVBPhoto from TVB

成日都聽人講「相見好同住難」,情侶之間同居嘅話就更加可以睇得出兩人嘅唔同之處。近日,有港男就喺討論區大呻同女友同居所發現嘅事,認為同女友住好麻煩!佢表示而家同女友同居咗4個月,頭3個月都仲係「蜜月期」,大家都互相禮讓同遷就對方。

香港討論區Photo from 香港討論區

不過當兩人同居踏入第4個月,女友嘅「真面目」就開始逐漸曝光!而佢舉出咗3個自己唔太接受到嘅問題,首先就係女友每次沖完涼,都會搞到成地都係頭髮,一開始女友都會自己執返好,但而家就已經係完全唔理。

TVBPhoto from TVB

另外,港男就話女友初初一齊住嘅時候,會好溫馨咁日日都煮飯比佢食,但而家就會話佢唔係工人,甚至當港男OT完返屋企都係要自己煮嘢食。

TVBPhoto from TVB

而港男認為最離譜嘅就係女友竟然可以忍受足足一個星期唔洗頭!佢仲話女友嘅髮量已經變少「頭就黎光過比達個額頭啦」,而且頭髮散發出嚟嘅異味,連佢瞓覺時都聞到!港男最後就話就算佢有幾不修邊幅都可以,但以上呢3點就真係令佢十分困擾,詢問網民有咩方法可以解決。

TVBPhoto from TVB

大部份網民都認為咁樣反映咗港男同女友嘅生活習慣唔同,需要時間磨合同溝通解決先係正確嘅解決方法;但亦有網民認為兩人應該分手,因為認為女友應該係有公主病!不過,有唔少網民亦嘗試為女友平反,話女仔頭髮咁長,其實地下有頭髮係好平常嘅事~

 Photo from 香港討論區

香港討論區Photo from 香港討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel