download HolidaySmart 假期日常 app
日男瘋狂迷戀吹氣公仔 正印竟毫不介意! 視對方為伴侶「比家人更重要嘅存在」

日男瘋狂迷戀吹氣公仔 正印竟毫不介意! 視對方為伴侶「比家人更重要嘅存在」

生活熱話
By Stephanie on 06 Jul 2021
Digital Content Writer

相信唔少女仔細細個都曾經同洋娃娃玩煮飯仔~日前,日本節目就訪問咗一位年約66歲嘅獨居伯伯,佢屋企一共有6隻吹氣公仔,而且佢仲視呢啲公仔為佢生命中缺一不可嘅伴侶,十分驚人!

《給與明細》Photo from 《給與明細》

人寂寞嘅時候,難免都會想身邊有人可以陪伴自己!日本綜藝節目《給與明細》就採訪咗一位66歲嘅伯伯中島千滋,佢現時因為工作關係離開家裡,獨自一人居住喺東京。由於經常要同家人分開,令佢成日都感到好孤單。

《給與明細》Photo from 《給與明細》

而中島先生填補寂寞嘅方法就係購買吹氣公仔,等佢哋可以長期陪伴喺佢身邊!佢仲足足買咗6個吹氣公仔擺放喺屋企唔同嘅位置,睇嚟佢真係好孤獨非常渴望有人陪伴。

《給與明細》Photo from 《給與明細》

《給與明細》Photo from 《給與明細》

中島先生非常重視呢6個吹氣公仔,幫每一隻吹氣公仔改咗名。佢仲會幫佢哋襯好晒唔同嘅穿衣風格,分別有學生造型、泳衣造型等,衣服風格十分多樣化,至今已經為佢哋買咗過百件衫!

《給與明細》Photo from 《給與明細》

《給與明細》Photo from 《給與明細》

中島先生表示自己視吹氣公仔為佢嘅伴侶,每晚都會陪佢哋沖涼,一齊瞓覺,佢哋嘅相處同普通情侶差唔多。放假嘅時候,佢就會帶吹氣公仔出外拍打卡照、去海邊玩,亦會用輪椅推吹氣公仔去餐廳一齊食飯!雖然途人經常都會用好奇異嘅目光望住佢,不過佢認為同公仔們嘅珍貴時光更加重要~

《給與明細》Photo from 《給與明細》

《給與明細》Photo from 《給與明細》

其實中島先生已經結婚,並且育有2名子女,不過就因為工作原因而唔能夠長期一齊住。而家吹氣公仔們可以話係代替家人去陪伴佢,佢亦喺節目中表示「公仔們比家人更加重要」,令人不禁對佢哋之間嘅「真愛」感到驚訝!

《給與明細》Photo from 《給與明細》

節目組邀請埋中島先生嘅太太接受訪問,太太就對老公嘅行為表示支持,因為明白佢長期喺外面工作,冇人陪伴係好辛苦嘅事,認為吹氣公仔可以令佢老公得到心靈上嘅慰藉~

《給與明細》Photo from 《給與明細》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel