《聲夢傳奇》鍾柔美跳唱《狂野之城》破90萬點擊 被捧做女版郭富城 鄭秀文接班人！

TVB選秀節目《聲夢傳奇》將於本月19日舉行決賽，熱門選手除了有姚焯菲（Chantel）及炎明熹（Gigi）外，14歲鍾柔美（Yumi）亦憑翻唱郭富城嘅《狂野之城》跑出，其表演片段在YouTube已於短短5日突破90萬點擊（截至今日中午12時），Yumi更被評判直指係鄭秀文接班人！

Photo from 鍾柔美 IG

14歲選手鍾柔美（Yumi）於上週六播出嘅《聲夢傳奇》中跳唱郭富城嘅《狂野之城》，佢穿上一套緊身黑色服裝勁歌熱舞，中段更有dance break大show舞技。

Photo from 聲夢傳奇 TVB

Photo from 聲夢傳奇 TVB

表演完畢即引嚟全場一片掌聲與歡呼聲，評判李克勤認為Yumi嘅表演「有靈魂」。而Yumi導師泳兒更感動到哭成淚人，佢解釋：「好多人成日覺得Yumi剩係跳舞叻，對佢唱歌能力充滿質疑，我好想幫佢平反，佢唔係剩係可以跳，唱歌都可以。」

Photo from 聲夢傳奇 TVB

另一評判及唱片監製張佳添都大讚Yumi：「佢一企出嚟，我就好似見到一個star企喺台上，直情覺得佢可以出道。」

Photo from 聲夢傳奇 TVB

張佳添其後於個人YouTube頻道繼續點評，更稱Yumi係鄭秀文接班人及女版郭富城：「雖然歌曲原唱係郭富城，但佢成功唱出自己味道，亦好有壓台感，佢表演完畢時嘅眼神表達出明星風範，好似話畀人聽：『我own咗個舞台』。佢年僅14歲，好有前途！」

Photo from 聲夢傳奇 TVB

備受讚賞嘅Yumi都有喺個人IG感激導師評判對佢嘅悉心教導，謙虛謂：「好多謝大家讚賞，我冇諗過做鄭秀文接班人，但我會以佢為目標，多多學習。」

Photo from 鍾柔美 IG

另外，喺早前一集《STARIES聲夢定時動態》中，Yumi獲歌手衛蘭親自接放學回家，同時曝光其屋企環境！

Photo from STARIES聲夢定時動態 TVB

片中可見Yumi住村屋，衛蘭隨Yumi上樓梯進家後，見到內部以白色為主調，環境闊落又有露台，空間及透光度十足。

Photo from STARIES聲夢定時動態 TVB

Photo from STARIES聲夢定時動態 TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）