download HolidaySmart 假期日常 app
張柏芝節目中分享夫妻相處之道 被問當年結婚心情「太突然 來不及緊張!」

張柏芝節目中分享夫妻相處之道 被問當年結婚心情「太突然 來不及緊張!」

娛樂新聞
By Stephanie on 08 Jul 2021
Digital Content Writer

張柏芝近年將事業重心放返內地,出演多個綜藝節目,深受網民嘅喜愛。早前,佢就喺節目《讓生活變得好看2》親自為女粉絲挑選婚紗,仲俾粉絲反問當年結婚嘅心情,而佢亦非常淡定咁回應,並且同粉絲分享婚前嘅準備事宜!

張柏芝工作室微博Photo from 張柏芝工作室微博

現年41歲嘅張柏芝生完第三胎之後,就正式復出,不停上內地節目搵真銀!最近,佢就獲邀成為內地真人騷《讓生活變得好看2》嘅固定嘉賓,經常都會喺節目挑戰自己。最新一集,佢就化身為婚紗店店員,為即將結婚嘅女粉絲挑選婚紗!

張柏芝工作室微博Photo from 張柏芝工作室微博

節目中,張柏芝同一對新人聊天,當被問到結婚前要唔要提前做心理準備時,佢就話「不要想,跟隨自己嘅內心就可以」,認為咁樣先可以令兩人開開心心咁度過!更重要嘅係,佢覺得結婚後就唔應該太計較,因為兩個人結婚後就係一體。

《讓生活好看2》Photo from 《讓生活好看2》

《讓生活好看2》Photo from 《讓生活好看2》

而張柏芝就俾咗個小意見呢對新人,認為佢哋唔應該等待結婚嗰日,而係去享受而家嘅生活。因為到時互相學習相處包容都將會係一個好大嘅挑戰,並且鼓勵佢哋遇到難題時,當作係上一堂課。

《讓生活好看2》Photo from 《讓生活好看2》

《讓生活好看2》Photo from 《讓生活好看2》

廣告
廣告

喺粉絲挑選婚紗期間,女粉絲就詢問張柏芝「你結婚時緊張嗎?」,而佢就一邊幫手整理婚紗,一邊回答話「我結婚太突然,來不及緊張」。

《讓生活好看2》Photo from 《讓生活好看2》

回望返張柏芝同謝霆鋒嘅戀情,佢哋二人早於2002年時就因為拍電影,而被傳出關係曖昧。然而當時謝霆鋒同王菲拍緊拖,不久之後就分手,所以佢哋傳緋聞嘅時候,大家都並唔支持。

謝霆鋒IGPhoto from 謝霆鋒IG

王菲微博Photo from 王菲微博

直到2005年年尾,張柏芝同謝霆鋒喺宣傳電影《無極》時,就傳出舊情復燃,不過兩人一直都冇正面回應過。2006年9月,兩人突然於菲律賓閃婚,當時令唔少網民感到驚訝!又難怪張柏芝話當年結婚時太急,唔覺得緊張嘅~

謝霆鋒IGPhoto from 謝霆鋒IG

張柏芝微博Photo from 張柏芝微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel