【大叔的愛】44歲簡慕華21年前選港姐舊照出土！科大畢業出演教育電視外貌超清純

ViuTV《大叔的愛》話題度極高，除咗3大男主角外，飾演KK老婆「Francesca」嘅簡慕華演技亦備受認可！佢昔日參選香港小姐同出演教育電視嘅陳年舊照曝光，獲網友大讚好清純！

Photo from 《大叔的愛》

《大叔的愛》令一眾主演人氣急升，其中簡慕華於2017年離巢TVB後就息影，今次係佢「復出」之作，佢飾演嘅「Francesca」同老公KK結婚20年，點知對方突然提出離婚，令佢誓要搵出介入佢同老公感情嘅第三者。

Photo from 《大叔的愛》

Photo from 《大叔的愛》

久未出演電視劇嘅簡慕華演繹角色備受讚賞，連「MIRROR苦主群」嘅一班老公都大讚佢有魅力！

Photo from 《大叔的愛》

Photo from 《大叔的愛》

Photo from 《大叔的愛》

佢2017年拍完《超時空男臣》後離巢，同TVB結束17年賓主關係，之後與圈外男友結婚，移居加拿大。簡慕華受邀參演《大叔的愛》，更同老公接受21日隔離返港拍劇，簡慕華大讚今次拍攝好舒服，有足夠時間畀佢休息同準備演出。

Photo from 簡慕華微博

Photo from 簡慕華微博

劇集出街後收視、口碑都唔錯，帶挈主演們嘅舊照、舊片都翻hit！其中簡慕華2000年參選香港小姐嘅照片曝光，同屆參選佳麗仲有「大小姐」林淑敏。

Photo from TVB

Photo from TVB

Photo from TVB

當年24歲嘅簡慕華最終未能躋身五強，難掩失落表情，但依家重溫當年片段，簡慕華同21年前未有太大變化，更多咗一份溫婉氣質。

Photo from TVB

Photo from TVB

Photo from TVB

喺參選港姐之前佢仲出演過教育電視物理科節目，原來簡慕華係香港科技大學物理系畢業，佢示範靜電吸塵嘅實驗片翻hit，雖然片段清晰度唔高，但仍獲唔少網友讚佢清純！

Photo from YouTube

Photo from YouTube

Photo from YouTube

網友表示簡慕華依家好有女人味：「當年係清純靚女，而家係氣質靚女。」、「雖然係低清...但感覺好似同而家見到既佢一樣樣既」，又指佢樣貌、聲音好似王菲：「當年簡慕華簡直係清純女神級數！」

Photo from YouTube

Photo from YouTube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

《大叔的愛》黃德斌完美演繹少女心反差萌！愛妻號勁專一與老婆相愛21年

29 Jun 2021

ViuTV《大叔的愛》首播口碑唔錯，其中飾演大叔翟國強（KK）嘅黃德斌演出更獲讚大突破有驚喜！喺劇中佢對田田（Edan飾演）一片丹心，其實現實中佢都勁專一，與太太相愛21年，更打本畀老婆開舖添！

Photo from ViuTV

ViuTV重金買下版權開拍港版《大叔的愛》，更搵嚟MIRROR成員Edan、Anson Lo同黃德斌飾演3大男主角。主角田田（Edan飾演）周旋喺上司KK（黃德斌飾）同同事凌少牧（盧Anson Lo飾）之間。

Photo from ViuTV

原版嘅「大叔」係一個充滿少女心嘅角色，開播之前黃德斌硬朗形象同粗礦外表同原版大頗大分別，不過首播後觀眾反而大讚佢演出有好驚喜！

Photo from 黃德斌IG

港版《大叔的愛》首播後反應唔錯，唔少網民都表示比想像中更好睇，而黃德斌嘅演出更大獲好評，指佢演繹出少女心大叔嘅可愛，好有反差萌！

Photo from ViuTV

Photo from ViuTV

Photo from ViuTV

黃德斌向Edan示愛大嗌：「田田 I LOVE YOU！」加上佢含羞嘅表情同小動作，有唔少網友都話好有喜感：「好可愛呀佢！無揀錯人！」、「黃德斌咁剛強都做到呢d 角色仲要討好,真係勁放勁好演技!! 」、「黃德斌演繹好正好有日本大叔少女心味」

Photo from ViuTV

Photo from ViuTV

Photo from ViuTV

Photo from lihkg

都有唔少網友指估唔到佢都做到喜劇：「估唔到德斌都做到搞笑，好吸引呀」、「睇過日版電視劇同電影，港版依然有驚喜！好掂啊黃德斌！！」、「黃德斌個年紀點解都可以咁可愛㗎！」、「德斌放得勁開同班後生嘅一齊玩，真心勁正」

Photo from ViuTV

Photo from ViuTV

Photo from lihkg

Photo from lihkg

黃德斌出道超過30年，佢喺代表作《火舞黃沙》、《天與地》等嘅角色都係硬漢形象，一直以嚟佢對感情生活都低調處理，2018年佢同年輕16歲嘅圈外女友黃美恩（Joyce）註冊結婚。

Photo from 黃德斌微博

Photo from 李思雅IG

Photo from 李思雅IG

黃德斌與Joyce拍拖18年，多年嚟互相陪伴，早已成為彼此最重要嘅人，佢曾因為未能抽離角色而令到個人情緒好差，變得意志消沉，好彩有Joyce陪伴身邊走出低谷。

Photo from 黃德斌微博

而黃德斌都好錫老婆！佢同Joyce仲係男女朋友時就出資十幾萬，打本畀Joyce喺尖沙咀開時裝店，平時亦會到店舖幫手，唔洗工作嘅日子，兩口子會出門踩單車拍拖，超恩愛～

Photo from 黃德斌微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）