![網民因股市導致同朋友關係變僵?! 網民:絕對唔可以教朋友買股票!](https://image.presslogic.com/holiday.presslogic.com/wp-content/uploads/2021/07/22b44310.jpg?auto=format&w=718)
網民因股市導致同朋友關係變僵?! 網民:絕對唔可以教朋友買股票!
大家成日都話「講錢傷感情」,唔少人都因此而導致同朋友或者家人關係破裂!近日,有位網民就有感而發咁同大家分享,表示自己好後悔同朋友講買股票嘅事,仲因此而導致兩人關係變差!
Photo from TVB
唔少人都認為同朋友之間有太多金錢上嘅來往,好容易會導致關係決裂。日前,有網民就喺討論區大吐苦水,話自己好後悔同朋友講買股票嘅事。佢話自己一直都有同買開股票嘅朋友交換下心得同行情,從而擴闊下眼界。
Photo from 連登討論區
而佢最近就同一位認識咗十幾年嘅朋友分享自己買股票嘅心得,由於呢位朋友對股票唔太了解,所以買股票之前成日都會先問佢意見,再做出決定。網民就好委屈咁話,但朋友好似覺得買股票贏錢係應份,無論股市變成點都會責怪佢!
Photo from TVB
當股票跌嘅時候,就會俾朋友怪佢唔提醒佢連累咗佢。然而,賺到錢嘅時候又唔見朋友會因此而感謝佢。該網民更表示,其實朋友買股票輸錢嘅同時,佢都面對緊相同嘅情況,覺得非常無奈。
Photo from TVB
朋友而家因為輸咗幾千蚊,搞到兩人嘅關係變得好僵,呢間事令網民表示對佢哋嘅友誼覺得好心淡,冇諗過會因為股票而失去咗一位認識咁耐嘅好朋友!
Photo from TVB
唔少網民都留言話係網民嘅朋友性格太麻煩,話「係你朋友嘅投資心態有問題」,紛紛安慰該網民早啲認清呢位朋友都係好事;亦有部份網民認為同朋友講股票唔係問題,但一定要了解佢嘅性格先!
Photo from 連登討論區
Photo from 連登討論區
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)