download HolidaySmart 假期日常 app
《刑偵日記》收視未如理想 傳TVB將轉策略改播綜藝節目救收視!

《刑偵日記》收視未如理想 傳TVB將轉策略改播綜藝節目救收視!

娛樂新聞
By Stephanie on 12 Jul 2021
Digital Content Writer

最近,TVB嘅電視劇《刑偵日記》正在熱播中,可惜收視率卻未能夠達到佢哋預期中嘅成績!日前,有傳TVB將另覓方法「搶救」收視率,將會喺電視劇黃金時段改播綜藝節目,一改以往作風。

TVBPhoto from TVB

TVB最近播出嘅重頭劇《刑偵日記》係偵探類型嘅劇,仲難得地邀請到影后惠英紅破格演出精神分裂患者,大騷演技實力!《刑偵日記》播出前嘅口碑非常好,而且亦做足宣傳,不過首週收視只係得17.5點,對TVB而言呢個成績並唔理想。而同一時段,ViuTV播放嘅《大叔的愛》首播就有6.4點收視率,成績已屬佳績。

《刑偵日記》Photo from 《刑偵日記》

《大叔的愛》Photo from 《大叔的愛》

日前,《刑偵日記》嘅演員們出席宣傳活動。對於被問到收視率一般時,主演之一嘅王浩信就直言嚇咗一跳,但明白而家唔少人都會選擇透過其他渠道觀看電視劇。另外,佢亦解釋「《刑偵日記》劇情比較燒腦,並非送飯劇,大家可能會比較偏向週末一次過睇晒」。不過其實收視率又未必真係同劇情有太大關係嘅!

TVB娛樂新聞台Photo from TVB娛樂新聞台

有傳TVB想盡辦法搶救收視率,劇集《寶寶大過天》即將於今個星期五迎來大結局,然而佢哋尚未安排電視劇接檔播出。據悉,TVB會將星期一至五嘅黃金電視劇時段,改為播放一套電視劇,而處境劇《愛‧回家之開心速遞》則如常播出。

《寶寶大過天》Photo from 《寶寶大過天》

《愛‧回家之開心速遞》Photo from 《愛‧回家之開心速遞》

根據,TVB官網暫時釋出嘅時間表,下星期一(7月19日)將罕有地於平日晚間時段,播放綜藝節目《聲夢傳奇》嘅決賽,嘗試用一班參賽者嘅人氣去挽救收視率!而之後嘅幾日,就將會播放《明星運動會》及東京奧運嘅特備節目等。

TVB官網Photo from TVB官網

《聲夢傳奇》Photo from 《聲夢傳奇》

有消息指,呢個改動可能會維持三個星期,一方面為咗配合東京奧運節目播出,一方面係想嘗試平日播放綜藝節目「試試水溫」。而TVB今次嘅節目調動,可以話係非常罕見!

《明星運動會》Photo from 《明星運動會》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel