download HolidaySmart 假期日常 app
女同事經常分享食物 港男日久生情 心痛各自有伴侶 網民:以為你無錢開飯咋!

女同事經常分享食物 港男日久生情 心痛各自有伴侶 網民:以為你無錢開飯咋!

生活熱話
By Cheryl on 13 Jul 2021
Digital Editor

男女之間有無純友誼向來都備受爭論,如果有人會錯意會令關係尷尬。最近,一名港男上網訴苦,指一女同事經常將自己食唔曬嘅嘢分享畀自己,令佢日久生情,惟兩人已有伴侶,無法相戀,令港男大感痛苦。

愛回家之開心速遞Photo from 愛回家之開心速遞

近日,一名男網民於香港討論區發文,指自己與一名女同事認識兩年,雙方都有穩定伴侶,二人經常一起用膳。

愛回家之開心速遞Photo from 愛回家之開心速遞

男事主透露,該女同事每日都會將食唔曬嘅早餐分享畀佢,由於次數頻繁,所以事主認為女同事有意咁做。

愛回家之開心速遞Photo from 愛回家之開心速遞

香港討論區Photo from 香港討論區

除咗早餐,兩人亦經常一同買午餐,該女同事經常指飯盒分量多,所以又會將一部分分畀事主食,事主遂建議:「你既然打算畀啲我,你不如叫啲我喜歡食嘅餸」,女同事都答應。

愛回家之開心速遞Photo from 愛回家之開心速遞

香港討論區Photo from 香港討論區

事主透露,佢唔肯定女同事對自己有無意思,「但我有啲喜歡佢(女同事)」,佢聲稱連同事都認為佢哋「有路」。但由於二人均有伴侶,所以佢深明大家係「無可能」,更坦言:「呢種感覺好辛苦!」

與敵同行Photo from 與敵同行

香港討論區Photo from 香港討論區

不少網民認為事主諗多咗,「咁小事就話人鍾意你,講白啲係自作多情」。亦有人直指,其實可能係女同事以為事主無錢開飯而已。或者,事主被女同事當成垃圾桶/食物焚化爐,遂勸喻事主清醒一點。

香港討論區 評論Photo from 香港討論區 評論

香港討論區 評論Photo from 香港討論區 評論

知道事主窮 無錢食飯 香港討論區 評論

香港討論區 評論Photo from 香港討論區 評論

有其他網民,指好多女生都「細食」,所以喺唔想浪費食物嘅前提下,將食物分畀胃口大啲嘅男士都唔出奇,除非女方表白,否則都不用視為有特別意思。

愛回家之開心速遞Photo from 愛回家之開心速遞

香港討論區 評論Photo from 香港討論區 評論

香港討論區 評論Photo from 香港討論區 評論

不過,都有網民認真向事主警示,若果佢「勇往直前」追求女同事,最終只會害人害己。事主亦表示同意,「所以我唔會有任何行動」,只係上網吹下水咁話。

香港討論區Photo from 香港討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel