download HolidaySmart 假期日常 app
2021暑假必睇8部電影名單 密室逃殺/幻險森林奇航3大必睇看點!

2021暑假必睇8部電影名單 密室逃殺/幻險森林奇航3大必睇看點!

電視電影
By Stephanie on 16 Jul 2021
Digital Content Writer

暑假又就嚟到喇!有唔少電影大作都即將上映,其中電影嘅類型包羅萬有,相信大家一定可以選擇到啱睇嘅電影啊~而家即刻嚟睇暑假嘅必睇電影名單啦!

Jungle Cruise TrailerPhoto from Jungle Cruise Trailer

《密室逃殺︰倖存者遊戲》

Escape Room: Tournament of Champions Twitter

Escape Room: Tournament of Champions Twitter

上映日期:15/7

《密室逃殺︰倖存者遊戲》劇情非常燒腦,而今集就比上一集更加刺激,密室嘅難關將會全面升級,一不小心分分鐘可能連命都冇埋!而家就等我哋一齊睇下密室嘅特別機關啦!主角們會搭上一架失控嘅紐約地鐵列車,並且開始地獄般嘅密室遊戲,期間佢哋需要一邊解題一邊避開高電壓嘅金屬物品,難度超高!

《密室逃殺: 倖存者遊戲 》Photo from 《密室逃殺: 倖存者遊戲 》

《密室逃殺: 倖存者遊戲 》Photo from 《密室逃殺: 倖存者遊戲 》

其中一個最特別嘅場景就係沙漠嘅難關,主角們需要於限定時間內逃出沙漠,否則好有可能會被20噸嘅沙慢慢吞噬!而「紐約街頭」嘅難題其實係給予主角們假希望嘅密室,主角們要喺街道上尋找辦法去停止降下嘅腐蝕性酸雨。如果難關未能逐漸解開,落酸雨嘅間隔時間就會越來越短,令佢哋迎接住死亡嘅威脅!

《密室逃殺: 倖存者遊戲 》Photo from 《密室逃殺: 倖存者遊戲 》

《密室逃殺: 倖存者遊戲 》Photo from 《密室逃殺: 倖存者遊戲 》

電影團隊就解釋佢哋選擇紐約街頭為密室嘅背景,係為咗營造真實感,認為密室逃脫唔應該只係侷限於係某一個房間,而係任何地方都可以,諗法非常創新!鍾意解謎嘅大家就一定唔可以錯過呢部電影喇~

《密室逃殺: 倖存者遊戲 》Photo from 《密室逃殺: 倖存者遊戲 》

《幻險森林奇航》(Jungle Cruise)

 

Jungle Cruise TwitterPhoto from Jungle Cruise Twitter

上映日期:29/7

呢部電影係依據迪士尼樂園出名嘅遊樂設施「森林河流之旅」所改編嘅,非常特別!故事內容背景將會圍繞住1990年代嘅亞馬遜河為主,亦會到訪亞洲、非洲和南美洲幾條主要河流。途中,主角們就將會遇到一連串嘅驚險經歷,帶大家一齊穿梭唔同嘅河流去探險~其中電影將會由「The Rock」Dwayne Johnson同影后Emily Blunt主演,非常有睇頭!

迪士尼影業YouTubePhoto from 迪士尼影業YouTube

再加上,迪士尼一向都好願意花錢喺電影製作上。早前,迪士尼就釋出《幻險森林奇航》嘅幕後花絮影片,彷如置身喺亞馬遜河嘅場景同埋華麗嘅特效,都成為電影嘅必睇看點!而電影中嘅探險船「綺拉號」,就非常用心地裝置唔同嘅機關設備,足足有15噸咁重,為咗環保而使用兩架80馬力嘅引擎,速度可達每小時13公里!

迪士尼影業YouTubePhoto from 迪士尼影業YouTube

由於電影係依據遊樂設施為主咁改編,裡面嘅背景同橋段都好細心咁將「森林河流之旅」嘅遊樂設施模擬返出嚟㗎!電影中,經常出現嘅船同大家喺迪士尼樂園所坐嘅外型相似,兩個都用木製成嘅船,而且座位範圍都有遮蓋,令大家可以更容易融入故事背景!

Disney Movies Hong Kong YoutubePhoto from Disney Movies Hong Kong Youtube

電影預告中,就暴露咗主角們被一班住喺叢林嘅外族襲擊,而遊樂設施「森林河流之旅」都有被「食人族」突襲呢一幕㗎,唔知大家又記唔記得呢?!

Disney Movies Hong Kong YoutubePhoto from Disney Movies Hong Kong Youtube

《義勇群英:蛇眼復仇戰》

《義勇群英:蛇眼復仇戰》Photo from 《義勇群英:蛇眼復仇戰》

上映日期:22/7

呢部電影係《義勇群英》系列嘅特技動作片,故事講述人氣角色蛇眼(Snake Eyes)嘅傳奇經歷,而佢又係如何同日本古老氏族「嵐影」結下不解之緣。電影嘅最大看點就係演員之間嘅連場激鬥,而且取景場地大部份都喺日本實地拍攝,令大家可以欣賞到日本嘅街景,更有實感!而今次亦係男主角Henry Golding首次挑戰拍攝動作戲,向大家展現嶄新嘅一面~

《波士BB 2細祖》

Universal Pictures FBPhoto from Universal Pictures FB

上映日期:22/7

事隔4年,波士BB又再返嚟喇!當年嘅Tim仔同霸氣BB細佬Ted已經長大成人,而Tim仔仲成為咗一位全職奶爸。但原來Tim仔剛剛出生嘅女兒Tina係BB集團嘅特工,並且接到任務要踢爆姐姐學校嘅陰謀,所以就邀請Tim仔同Ted再一次變做BB一齊幫手!內容有趣搞笑,絕對適合一家大細睇㗎~

《自殺特攻》(The Suicide Squad)

《自殺特工》Photo from 《自殺特攻》

上映日期:5/8

呢部電影係華納兄弟影片今年度重磅推出嘅電影,集合咗DC最暴戾、荒唐、搗蛋的超級大反派們一齊出動!除咗有大家都非常熟悉嘅「小丑女」外,仲有多位新成員加入,包括有「血拳」、「鯊魚王」、「和平使者」等。

《爆機自由仁》(Free Guy)

Free Guy Twitter

Free Guy Twitter

上映日期:12/8

由「Deadpool」Ryan Reynolds主演,而今次佢就將會飾演一位平平無奇嘅銀行員工,然而佢有一日發現自己竟然係電腦遊戲中嘅其中一個角色,並且決定解救各位被困喺遊戲裡面嘅人。電影中有唔少爆笑位,等大家可以喺呢個夏天大笑,輕鬆一下~

《媽媽的神奇小子》

《媽媽的神奇小子》FBPhoto from 《媽媽的神奇小子》FB

上映日期:未定

講到電影就當然唔少得港產片啦!故事係經真人真事所改編,以田徑項目傷健運動員蘇樺偉如何克服身體上嘅阻礙,努力不懈咁排除萬難,並成功攀上運動員生涯最高峰。咁振奮人心嘅故事,一定可以為而家感到沮喪嘅大家帶來一絲希望㗎~

《熊抱青春記》 (TURNING RED)

《熊抱青春記》Photo from 《熊抱青春記》

上映日期:未定

迪士尼Pixar最近又有新作品喇,呢套電影將於2022年上映,不過就等大家率先了解一下先啦~13歲嘅李美蓮剛剛踏入青春期,然而佢一激動嘅時候就會瞬間變成一隻巨型熊貓。今次嘅故事將會同大家探討青少年同媽媽之間嘅關係,用幽默嘅手法去描述大家成長必定經歷過嘅階段。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel