鄭中基餅印女10歲生日 初發少女味 父母不捨長大 余思敏概歎「應該要學習放手了」

藝人鄭中基（Ronald）與前娛樂主播余思敏結婚後誕下一子一女，從此變成暖男爸爸。昨天（13日），Ronald同老婆上載一家四口到酒店慶祝大女Emma十歲生日相片，相中可見佢已開始散發少女味！

Photo from 余思敏 IG

49歲鄭中基曾是浪子，直到同余思敏於2010年結婚，再於次年誕下女兒後修心養性，成為一個廿四孝爸爸。

Photo from 余思敏 IG

近年，Ronald積極發展YouTuber事業，開設個人YouTube頻道「機動電視台」，至今累積超過28萬訂閱者。同時，佢於去年為ViuTV拍攝電視劇《暖男爸爸》，又喺今年4月舉行了演唱會。

Photo from 機動電視台RTV

Photo from 《暖男爸爸》 主題曲MV ViuTV

Ronald一家過著幸福生活，佢太太經常喺社交平台上載溫馨家庭照。昨天（13日），夫婦二人都喺FB發圖文慶祝大女Emma十歲生日。

Photo from 余思敏 FB

根據帖文，佢哋一家四口到尖沙咀一間酒店Staycation慶生，並入住了一間擁無敵大海景嘅酒店房，又為寶貝女用粉紅色氣球佈置房間。

Photo from 余思敏 FB

相中可見，同父母餅印咁嘅大女Emma長大了不少，大擺甫士影相，話咁快就開始散發少女味！

Photo from 余思敏 FB

難怪Ronald同太太余思敏上載照片之餘，亦發文表達不捨女兒長大嘅情感。Ronald表示：「Emma Baby，你由單位歲數變成雙位數喇。Daddy從來未感受過時間係過得咁快」、「好快就要迎接你小學畢業、升中學、後面個啲我唔想知。」、「我知道你已經準備好（探索世界），但係爸爸唔想你準備得咁快⋯真係慢啲都得。」

Photo from 鄭中基 FB

Photo from 鄭中基 FB

而余思敏則笑言：「人生有幾多個十年」、「第二個十年媽媽應該要學習放手了」，不過，佢承認「講就易做又另一回事 」，相信都引起唔少媽媽網民嘅共鳴。

Photo from 余思敏 FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）