ViuTV再開拍青春偶像劇　Edan頻頻操肌再做男主角？網民最期待參演的MIRROR成員係佢？！

ViuTV電視劇《大叔的愛》正在熱播中，而網民嘅反應非常熱烈，仲令劇集成為開台以來最高收視嘅一部電視劇！最近，就有傳ViuTV正在籌備開拍一部有關泳隊嘅劇集，令唔少網民都開始猜測男主角究竟會係邊個！

Photo from MIRROR IG

由黃德斌、MIRROR成員Anson Lo(盧瀚霆)同Edan（呂爵安）所主演嘅電視劇《大叔的愛》將於今個星期迎來大結局，令唔少網民都表示非常不捨！由於劇中內容搞笑，一開播就已經引起引起大家嘅關注，成為咗ViuTV開台以來收視最高嘅電視劇！

Photo from 《大叔的愛》

Photo from 《大叔的愛》

最近，有傳ViuTV正在籌備開拍電視劇《i.SWIM》，係繼《男排女將》後又再一次拍攝青春熱血類型嘅劇集。而ViuTV亦喺FB上招募男女泳手演員一齊參與拍攝，並透露將會喺今個夏天開拍，而家正在準備演員海選當中！

Photo from ViuTV FB

據悉，ViuTV已經將男主角嘅人選將會由MIRROR成員所出演，而部份成員已經完成 casting，其中呼聲最高嘅就有最近大熱嘅Anson Lo同Edan。

Photo from MIRROR IG

Photo from Edan IG

不過有唔少網民都猜測Edan有可能會係男主角，因為游泳劇難免會有晒身材嘅畫面。然而，Edan早前就喺IG上載咗自己健身後嘅肌肉照，仲話「但嚟緊工作需要必須操到好fit，希望變到大隻安」，令網民不禁猜測佢好大機會有份出演新劇！

Photo from Edan IG

對於男主角嘅心水人選，唔少網民都係提議MIRROR嘅成員，當中Stanely、Ian等擁有fit爆身材嘅佢哋，都成為網民心目中嘅人選！而女主角人選方面，網民就提議身材唔錯嘅女藝人們，包括有鄧麗欣（Stephy）、沈殷怡、李炘頤等。有咁華麗嘅演員陣容，相信電視劇一開播嘅時候必定能夠引起熱話～

Photo from Ian IG

Photo from 鄧麗欣IG

講起有關游泳嘅電視劇，相信大家一定會諗起於2003年播放嘅青春偶像劇《戀愛自由式》！當時係由一眾新生代演員陳文媛、蕭正楠、唐寧等人主演，而電視劇中亦都有當時嘅偶像團體Cookies成員參與拍攝，劇中唔少經典場面同對白，令大家到而家都歷歷在目㗎！

Photo from TVB

Photo from TVB

最為人熟悉嘅場面就一定係游穎（唐寧 飾）喺游泳比賽時所使出嘅必殺技「破冰轉身」，就一直都長存喺網民們嘅心中，直到而家當大家提起呢套電視劇都係會先諗起呢一個招式！

Photo from TVB

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）