港男被女友要求以「讀心技」猜中心思 港男：女友係全世界最小氣嘅物種！

相信唔少男仔都曾經試過因為小事而激嬲女友！日前，有位港男就表示因為冇聽清楚女友講咩而激嬲對方，仲俾女友命令叫佢估返講咗啲咩，令佢十分難堪，不禁向網民大呻「女朋友真係全世界最小氣嘅人」！

Photo from TVB

「男仔永遠都唔會明女仔諗咩」，相信呢句話有好多男仔都十分認同！最近，有位港男就喺討論區表示自己下午嘅時候，去女友公司搵佢食午飯。但當佢一見到女友時，就問「想食咩啊BB」，然而卻換來女友黑面對待。

Photo from 香港討論區

女友隨即同港男講「我頭先咪講左囉！你聽唔到架咩？」，港男唯有再問多一次，但女友就話「我係個心入面講架！你同我都唔係心有靈犀既！咁都connent唔到！」，令港男十分難做，認為女友無理取鬧！

Photo from TVB

呢位港男表示女友到第二天都仲嬲緊，認為自己女朋友大概係全世界最小氣嘅人！佢仲忍唔住大爆女友平時嘅行徑，例如：唔回覆訊息就會奪命追魂call、瞓著咗覺都要call到起身為止等。不過，佢就話女友脾氣好嘅時候真係好好，但一發脾氣就冇晒辦法！

Photo from TVB

唔少網民睇完之後，都表示十分同情呢位港男嘅處境！有網民亦分享類似嘅親身經歷，話因為冇聽女友電話而激嬲女友幾日；但亦有部份網民認為係港男縱容女友嘅野蠻行為，先會導致自己「身陷險境」，而家只係自作自受。

Photo from 香港討論區

Photo from 香港討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）