陳展鵬傳年底約滿 加薪不果遭TVB懲罰 新劇男一變客串被馬國明代替 網民:做得大台預咗!

陳展鵬傳年底約滿 加薪不果遭TVB懲罰 新劇男一變客串被馬國明代替 網民:做得大台預咗!

ByCheryl on 19 Jul 2021

藝人陳展鵬主演嘅TVB劇集《逆天奇案》於上月播畢,收視理想。所以,有指陳展鵬已接連收到新劇安排,包括《童時愛上你》、《隱形戰隊》、《廉政狙撃》三劇。其事業看似如日沖天,不過,有傳陳展鵬合約今年底到期,並喺洽談續約事宜時因人工問題與TVB僵持。

陳展鵬 FB
Photo from 陳展鵬 FB

有報道指,雖然陳展鵬於大台發展多年終成為一線小生,但比起其他當紅男藝人,其年薪算少,約500萬。而馬國明及陳豪年薪則分別有傳達800萬及3000萬。

陳豪 IG
Photo from 陳豪 IG

有見及此,有指陳展鵬雖然有續約意向,但同時希望加人工,並加至與黎耀祥相約水平。雖然TVB一方都有意續約,但認為薪金加幅太大。而且疫情影響下,支出不宜過多,導致TVB不答應展鵬要求,令雙方陷入僵持狀態。

黎耀祥 微博
Photo from 黎耀祥 微博

陳展鵬 FB
Photo from 陳展鵬 FB

有消息更指,TVB為了「懲罰」展鵬,喺佢工作安排上作出了改動。除咗刪減佢喺《童時愛上你》嘅戲份,更將《隱形戰隊》嘅男一位置轉讓畀馬國明,展鵬則淪為客串。

廣告
廣告

馬國明 IG
Photo from 馬國明 IG

最終,有指陳展鵬為了養家而妥協,展露誠意與大台續約,為雙方保持良好合作關係。

陳展鵬 FB
Photo from 陳展鵬 FB

陳展鵬於2018年與女藝人單文柔結婚,並於次年誕下女兒Quinta,展鵬自此變成暖男爸爸,為一家生活打拼之餘亦不時於社交平台上載女兒日常照片。

陳展鵬 FB
Photo from 陳展鵬 FB

對於展鵬嘅續約傳聞,有網民認為佢值得更好,但亦有人指,TVB出手向來低,所以並不感意外,更認為佢嘅薪金水平已經不錯。

陳展鵬 FB
Photo from 陳展鵬 FB

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook