TVB 推行全新審查制度! 因王浩信主演劇集收視低迷隨時連累陳自瑤做唔成女一?!

TVB 推行全新審查制度! 因王浩信主演劇集收視低迷隨時連累陳自瑤做唔成女一?!

娛樂新聞
By Stephanie on 19 Jul 2021
Digital Content Writer

自從曾志偉同王祖藍返TVB做高層,TVB內部就經常出現變動!最近,有傳TVB將會引入審批團隊,重新審視即將開拍嘅電視劇劇本,而呢個新規矩就好大機會影響到《巾幗梟雄4》、陳自瑤首次做女一嘅電視劇《選美的12夜》等。

《刑偵日記》Photo from 《刑偵日記》

自今年初曾志偉同王祖藍突然回巢幫手後,TVB內部有好大嘅變動,唔少高層包括李竇安、余詠珊等人都相繼宣佈離任!日前,有傳TVB主席許濤就決定引入審批團隊,所有即將開拍嘅電視劇都被列入審批名單,檢視後先再決定是否開拍。

TVB娛樂新聞台Photo from TVB娛樂新聞台

據悉,TVB主席許濤加入新團隊嘅主要原因係因為由杜之克擔任出品人嘅《刑偵日記》收視並唔理想,長期都處於20點收視以下,所以就絞盡腦汁諗辦法,希望可以搶救電視劇嘅收視率。而杜之克早前亦宣佈將於今年9月2日正式離任!

《刑偵日記》Photo from 《刑偵日記》

《刑偵日記》Photo from 《刑偵日記》

呢個新制度就將好有可能影響電視劇嘅開拍時間,其中陳自瑤首次擔正做女主角嘅《選美的12夜》、《巾幗梟雄4》同馬國明主演嘅律師劇都係審查嘅目標,即使就嚟開拍都需要被緊急煞停!有傳另外幾部需要審查嘅電視劇,大部份都係由杜之克所監製,難免令唔少人認為TVB係因為收視率而「秋後算賬」!

陳自瑤IGPhoto from 陳自瑤IG

馬國明IGPhoto from 馬國明IG

廣告
廣告

而三部電視劇中,最大影響嘅應該就係《選美的12夜》,而該劇就係以選美為題材嘅仿真人騷,由陳自瑤、馮盈盈、簡淑兒等人主演。為咗增加劇情嘅真實感,劇組原本打算喺今屆港姐集訓嘅時候,拍攝佳麗們訓練嘅畫面。但可惜而家被迫叫停,而港姐們已經開始拍攝外景,所以好大機會錯失時機!

馮盈盈IGPhoto from 馮盈盈IG

《東張西望》Photo from 《東張西望》

另外,《巾幗梟雄4》開拍日期亦變得遙遙無期,主要原因係因為說服鄧萃雯回巢合作嘅高層杜之克離任在即,再加上同內地影視平台優酷未能如願合作,令拍攝工作變得更加困難!而最近鄧萃雯目前都喺內地開始物色其他嘅工作,睇嚟《巾幗梟雄4》可以開拍嘅機率都變得越來越渺茫喇!

《巾幗梟雄》Photo from 《巾幗梟雄》

鄧萃雯IGPhoto from 鄧萃雯IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel