吳業坤採訪東京奧運一到埗即寫明信片畀姚焯菲！網友：好心唔好搞啲細路女

娛樂新聞

By Jennifer on 19 Jul 2021

Digital Editor

TVB《聲夢傳奇》眾多學員中年僅14、15歲嘅姚焯菲（Chantel）、鍾柔美（Yumi）、炎明熹（Gigi）人氣極高！其中姚焯菲因為甜美嘅外型同歌喉，獲封為「國民初戀」，連吳業坤都係忠實fans，連去東京都要寄明信片畀Chantel！

Photo from TVB

《聲夢傳奇》決賽在即，剩返5位學員，除咗兩位男生何晉樂（Rock）同冼靖峰（Archie）外，另外3位女生都係奪冠大熱，雖然佢哋年紀小小，但人氣、話題度、網上點擊率都極高。

Photo from TVB

其中姚焯菲（Chantel）因為喺節目中獻唱《戀愛預告》獲大讚夠晒甜美，唔止影片點擊率直逼350萬，Chantel更獲網民封為「國民初戀」，人氣一時無兩。

Photo from TVB

Chantel嘅魅力沒法擋，歌手吳業坤都做咗佢fans，唔止成日公開提及對方，更自稱係Chantel歌迷會會長，吳業坤指只要Chantel回佢訊息：「我已經死而無憾。」

Photo from 吳業坤Facebook

吳業坤係Chantel忠實粉絲成眾所周知嘅事，日前佢同日本通周奕瑋飛到東京主持節目《東京五輪直送》，採訪當地奧運嘅情況。

Photo from TVB

其中一集佢就介紹當地郵局嘅奧運紀念郵票，吳業坤買下一set明信片，周奕瑋問佢係咪寄畀Chantel，轉眼間佢就已經開結寫明信片，上款清楚寫上「Chantel Yiu」

Photo from TVB

吳業坤一邊寫一邊遮，大叫：「唔好睇，我私隠嚟！」，而一旁嘅周奕瑋亦忍唔住話：「你真係做得出㗎喎！」

Photo from TVB

Chantel人氣高企，另一位大熱人馬Gigi同佢「鬥得難分難解」，雖然喺合唱時Chantel贏咗Gigi，IG follower同點擊率都更高，但喺觀眾熱選大獎投票方面，Gigi就一馬當先！得票率有37%，同第二名嘅Chantel相差14%！

Photo from TVB

觀眾投票第一位嘅Gigi同樣人氣爆燈，早前佢喺網上開live同fans交流，佢自爆決賽會挑戰跳唱，雖然跳舞唔係佢強項，但Gigi希望畀到另一面大家睇。

Photo from TVB

直播期間吸引過千粉絲收睇，更有狂熱fans留言公開求婚：「Gigi嫁給我」

Photo from 炎明熹IG

以現時走勢嚟講，最有機會奪得冠軍嘅學員似乎將會喺Gigi、Chantel、Yumi之中誕生！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

TVB重新上載姚焯菲版本《奪金》上載兩日觀看次數已大幅超越原MV！

16 Jul 2021

為響應東京奧運會，TVB推出自創主題曲《奪金》並由《聲夢傳奇》嘅一班學員同導師獻唱，仲一齊拍攝MV。不過就有唔少網民不滿鏡頭分配不均，炎明熹喺MV中鏡頭比較多，導致「國民初戀」姚焯菲（Chantel）嘅粉絲非常不滿！日前，TVB為平息粉絲們嘅怒火就上載咗重新剪輯版本嘅《奪金》，而Chantel同JW嘅鏡頭佔多數。