download HolidaySmart 假期日常 app
曾志偉讚炎明熹似梅艷芳 爆為學員八月開劇「最重要識感恩」網民:多fans就贏到?!

曾志偉讚炎明熹似梅艷芳 爆為學員八月開劇「最重要識感恩」網民:多fans就贏到?!

娛樂新聞
By Cheryl on 20 Jul 2021
Digital Editor

TVB歌唱選秀節目《聲夢傳奇》於昨晚舉行決賽,一班學員喺賽後同粉絲影大合照,而無綫副總經理曾志偉亦有現身,接受訪問表達對炎明熹奪冠感想,又爆出正為《聲夢》學員籌備一套青春劇集嘅消息。

聲夢傳奇Photo from 聲夢傳奇

《聲夢傳奇》決賽於昨晚(19日)完滿落幕,16歲炎明熹Gigi大熱奪冠,更成為三料冠軍,包辦全場總冠軍「傳奇新星」、「專業評選大獎」、及「觀眾熱選大獎」。雖然有網民不服賽果,指Gigi有走音情況,認為比賽只係「鬥多fans」,但仍有不少人恭喜佢。

聲夢傳奇Photo from 聲夢傳奇

IG 評論Photo from IG 評論

有網民不解為何Gigi橫掃三獎後臉色愁苦,喺得獎感言中,Gigi提及到家人:「我想同姑丈同爹哋媽咪講,我得咗啦,同埋我一直冇諗過自己會攞獎,我係想返去探爹哋媽咪,爺爺嫲嫲,過埋呢個暑假,我想即刻返去探佢哋」,相信Gigi都係太掛念家人才「揦埋口面」 。

IG 評論Photo from IG 評論

聲夢傳奇Photo from 聲夢傳奇

聲夢傳奇Photo from 聲夢傳奇

節目另一大熱姚焯菲Chantel最後不敵Gigi得亞軍。Chantel表示,佢喺最後一輪表演前已打定輸數,認為Gigi實在太勁,所以無諗過要贏佢,仲話自己一早已經知道佢係冠軍,所以同自己講「唔緊要,做好個表演就得」,但面對勁敵始終有壓力,所以佢認為自己最後失準。

聲夢傳奇Photo from 聲夢傳奇

姚焯菲 IGPhoto from 姚焯菲 IG

TVB於賽後安排所有《聲夢》參賽者同粉絲合照,冠軍Gigi一出場已有尖叫聲,由於人數眾多,由小朋友到主婦都有,所以要分四組合照。

TVB 娛樂新聞台FBPhoto from TVB 娛樂新聞台FB

而亞軍Chantel支持者同樣眾多要分四組合影,其支持者「小菲象」更戴上象耳頭套。而網民票選第三嘅鍾柔美Yumi亦分了兩組粉絲進行合照。

TVB 娛樂新聞台FBPhoto from TVB 娛樂新聞台FB

TVB 娛樂新聞台FBPhoto from TVB 娛樂新聞台FB

TVB副總經理曾志偉繫喺賽後現身,指對炎明熹Gigi奪冠不感意外,但無諗過會囊括三大獎項。志偉對Gigi信心十足,大讚:「Gigi似足以前梅艷芳,表現淡定又吸收力強,最重要係識得感恩。」

聲夢前傳 TVBPhoto from 聲夢前傳 TVB

曾志偉同時透露《聲夢》學員之後嘅發展,佢大爆現正籌備一套以追夢作主題嘅劇集《青春的我》,參演者除咗包括《聲夢》十五位學員外,亦包括部分《盛舞者》參賽者,而部分《聲夢》導師都有可能亮相。

盛舞者 TVBPhoto from 盛舞者 TVB

志偉指望劇集於八月底開拍,現時已寫緊劇本,但佢會先畀學員們休息幾日再準備演唱會,完成演出後才展開拍攝。

聲夢前傳 TVBPhoto from 聲夢前傳 TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel