download HolidaySmart 假期日常 app
呂麗君與大劉分手前曾收超過20億現金同禮物? 現時居住於甘比名下豪宅物業

呂麗君與大劉分手前曾收超過20億現金同禮物? 現時居住於甘比名下豪宅物業

娛樂新聞
By Stephanie on 20 Jul 2021
Digital Content Writer

現年44歲嘅呂麗君(現名呂姵霖)曾經同香港四大富商之一嘅劉鑾雄(大劉)有過一段情,但兩人於2014年正式分手。有傳,呂麗君分手時獲大劉贈送價值逾20億嘅資產,令佢瞬間變成「超級富婆」!

呂麗君IGPhoto from 呂麗君IG

呂麗君(現名呂姵霖)同相差26年嘅富商劉鑾雄(大劉)於2001年喺英國相遇,兩人隨即墮入愛河,並誕下一子一女。直到2016年,大劉發出聲明指自己同呂麗君於2014年時已經分手,仲提及到分手前已經贈予價值超過20億嘅現金同禮物,正式同呂麗君斷絕關係!

呂麗君IGPhoto from 呂麗君IG

甘比IGPhoto from 甘比IG

有傳呂麗君現時正在居住喺白加道31號A獨立屋,而呢間物業就係分手時大劉所贈送嘅禮物之一。不過,其實呢間豪宅係兩人仲一齊時,大劉借俾呂麗君父母居住,而分手後呂麗君就以租住形式住咗一年,並於2016年搬離住宅。現時該豪宅屬大劉所擁有,並由旗下公司Crown Castle持有。

呂麗君IGPhoto from 呂麗君IG

實際上,呂麗君而家正居住喺白建時道12號豪宅,而呢個豪宅並非呂麗君嘅物業,而係大劉太太甘比(陳凱韻)所擁有。不過,大劉為咗方便呂麗君照顧一對子女,而暫時俾佢哋暫住。

甘比IGPhoto from 甘比IG

呂麗君IGPhoto from 呂麗君IG

根據2016年嘅分手聲明,大劉並冇表示曾經贈送物業俾呂麗君!據知,傳媒所提及過嘅畢架山峰、禮頓山等物業都同大劉冇關連,而分手禮物亦從來冇包含遊艇。至於價值約9,000萬的中半山雅賓利大廈單位連車位,係大劉送俾囡囡劉秀盈嘅禮物,呂麗君只係以託管人身份暫時持有。

呂姵霖基金會FBPhoto from 呂姵霖基金會FB

劉秀盈IGPhoto from 劉秀盈IG

雖然呂麗君同大劉分手多年,但佢嘅生活都依然多姿多彩㗎!而家嘅佢就好專注於發展自己嘅基金會,並且非常熱衷於做瑜珈。最近,佢就上載咗同肌肉型男一齊做雙人瑜珈嘅照片,令人不禁懷疑兩人嘅關係。

呂麗君IGPhoto from 呂麗君IG

呂麗君IGPhoto from 呂麗君IG

而呂麗君同大劉所誕下嘅女兒劉秀盈(Zoe)而家已經18歲,仲非常有藝術天份,獲得英國皇家舞蹈學院所頒發嘅證書。大劉就曾經表示呂麗君因為不滿佢移情別戀甘比,教導兩個子女要討厭佢。不過,今年嘅父親節劉秀盈就喺IG上載同兒時同爸爸嘅合照,仲寫上「Happy Father and Daughter day.」唔知父女之間關係係咪已經變好咗呢?

劉秀盈IGPhoto from 劉秀盈IG

劉秀盈IGPhoto from 劉秀盈IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel