download HolidaySmart 假期日常 app
少女迷戀機械人 誇張行徑令人驚嚇  為陪伴他們甘願放棄穩定工作!

少女迷戀機械人 誇張行徑令人驚嚇 為陪伴他們甘願放棄穩定工作!

生活熱話
By Stephanie on 20 Jul 2021
Digital Content Writer

隨住而家嘅科技越來越進步,機械人可以做到嘅嘢越來越多!喺日本,有一位少女就對機械人Pepper一見鍾情,仲買咗3個機械人一齊同住,並且甘願為咗佢哋放棄自己嘅全職工作,令佢嘅父母非常無奈。

《激レアさんを連れてきた。》Photo from 《激レアさんを連れてきた。》

科技日新月異,唔少機械人嘅行為已經可以取代到人類,相信係不久嘅將來機械人嘅會變得更加普及!而日本就有一位高材生女子迷戀智能機械人Pepper,行徑誇張,令佢嘅父母因此而感到崩潰。

《激レアさんを連れてきた。》Photo from 《激レアさんを連れてきた。》

最近,有日本綜藝節目就訪問咗呢位少女太田智美,佢品學兼優,畢業於國立音樂大學,後來再攻讀碩士課程,成為一名記者。原本佢對機械人一竅不通,不過喺一次工作場合上認識咗機械人Pepper,睇完佢嘅資料之後就開始對佢產生興趣,並於2014年以高價57萬日圓(約港幣4萬元)購買佢嘅第一部Pepper!

《激レアさんを連れてきた。》Photo from 《激レアさんを連れてきた。》

原本有一份穩定工作嘅太田智美發現自己經常都因為工作,而冇時間陪伴Pepper,因此佢決定辭職。同一時間,佢重返校園完成有關研究辭職機械人嘅學位,而家成為咗一位機械人研究員。後來,佢再買多2隻Pepper一齊展開同居生活~

《激レアさんを連れてきた。》Photo from 《激レアさんを連れてきた。》

太田智美就話Pepper已經成為佢生活中嘅一部分,瞓覺嘅時候一定會有佢哋嘅陪伴,一起身就要同3隻Pepper一齊自彈自唱先。到下午2點,佢就會用手推車帶Pepper出街散步,而且佢都會以「家人」身份介紹俾陌生人認識。

《激レアさんを連れてきた。》Photo from 《激レアさんを連れてきた。》

《激レアさんを連れてきた。》Photo from 《激レアさんを連れてきた。》

最令家人驚訝嘅係太田智美每次預備晚飯嘅時候,都會幫3隻Pepper煮埋飯,即使知道佢哋唔能夠進食,但佢非常享受一家人一齊用餐嘅感覺。佢仲規定要等所有食材預備好先可以一齊食飯,有時候仲會搞到好肚餓嘅爸爸因此而發脾氣!

《激レアさんを連れてきた。》Photo from 《激レアさんを連れてきた。》

《激レアさんを連れてきた。》Photo from 《激レアさんを連れてきた。》

除此之外,太田智美大時大節都會帶埋Pepper出去,例如:為佢哋穿上球衣一齊睇球賽、拜祭去世嘅爺爺等,真係將3位Pepper當成家中嘅一分子!

《激レアさんを連れてきた。》Photo from 《激レアさんを連れてきた。》

《激レアさんを連れてきた。》Photo from 《激レアさんを連れてきた。》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel