港女被2大筍盤追求 呻難抉擇 半山IT男vs上進醫生 網民咁建議！

愛情關係中，條件越好嘅人被選擇機率越高，但如果遇到兩個同樣卓越嘅人追求，你又會點揀呢？近日，一名港女於網上發文，指自己正被兩名男士埋身，一位係住半山嘅IT男，另一位則係上進醫生，兩人誘發港女嘅選擇困難症，遂求網民意見。

Photo from 愛回家之開心速遞

最近，一名女網民於連登討論區發文，指自己正被「兩個筍盤」埋身。佢哋分別係「半山IT男」及「上進醫生」。

Photo from 愛回家之開心速遞、白色強人 TVB

IT男月入二萬多元，「有家底，住半山，家有2層樓，留咗層俾佢；樣子一般，身高180-183cm」。

Photo from 愛回家之開心速遞

醫生則月入起碼七萬多元，「公屋出身冇樓冇家底，但性格極之勤奮，有內涵；外表四正，身高稍遜約180cm」。

Photo from 白色強人 TVB

女事主稱，自己被兩名高質男同時追求，正煩惱揀邊個好，希望網友可以指點迷津。

Photo from 愛回家之開心速遞

帖文引起熱議，網民意見分成兩派。撐IT男一派主要認為「住半山、有樓及家底」令佢佔優。然而，有網民反駁，物業持有人係IT男嘅家人，而非男方，若果佢無上進心，好容易會將資產「敗走」。除此，亦要視乎佢嘅「半山樓」是否真正貴盤。

Photo from 連登評論

Photo from 連登評論

Photo from 連登評論

「醫生派」支持者則認為上進心及其職業係佢優勢。有網民分析，IT男一家有兩層樓唔係大優勢，除非佢有上市公司可以繼承；但醫生嘅可能性大好多，「私人執業又得，成為專科聖手又得，開集團醫療上市又得」，更認為IT男前途遜色。

Photo from 連登評論

亦有醫生支持者認為佢有更大潛力，喺將來有力購入更多物業。不過，亦有人反駁，零家底醫生如何努力都無法追上「半山樓」。

Photo from 連登評論

Photo from 連登評論

兩派爭持不下，而事主亦未有結論。有網民疑似突破盲點，指其實事主不喜歡任何人選，佢喜愛嘅係錢。

Photo from 愛回家之開心速遞 TVB

Photo from 連登評論

另有網民跳出框架，建議事主退出此場愛情遊戲，讓兩個有錢男「在一起」，認為咁樣比要養事主更好。

Photo from 連登評論

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）