港女因男友選擇OT爽約而生氣 網民：未喺香港返過工？！

香港打工仔生活忙碌，唔少人都冇咩私人時間去陪伴家人或者另一半！近日，有位港女就表示男友為咗OT竟然「放佢飛機」，令佢非常不解，認為男友冇必要為咗工作而放棄私人時間，引起網民熱議。

Photo from TVB

唔少人成日都話希望可以做到Work life balance，不過打工仔工作忙碌，再加上喺香港呢個節奏咁快嘅環境底下，唔少人放工後往往缺乏私人時間！最近，有位港女就喺討論區表示男友竟然為咗OT而選擇放佢飛機，令佢感到心灰意冷。

Photo from Dcard討論區

港女話男友喺一間公司嘅Intern，只係返咗工短短幾日，工作時間係朝9晚6，工作量暫時唔係好多。不過就冇準時放工過，主要係因為男友怕準時走唔太好！

Photo from TVB

港女就同男友約好咗放工後一齊食晚飯，不過就喺放工時間見到男友同佢講「上頭問我近今日可唔可以OT？」，港女就反問佢「咁即係幾點可以收工」。然而男友只係表示唔知道，而佢就繼續喺街等待男友回覆！

Photo from TVB

直到港女等咗足足一個鐘頭之後，男友先回覆佢話佢決定OT！呢個決定就令港女感到非常憤怒，因為佢認為男友並非喺Big4公司做，佢嘅工作根本就唔會趕到必須要當日做好先得，令佢覺得唔通工作比承諾更加重要？！

Photo from TVB

而且，港女認為就算上司問你「可唔可以OT」，即係並非落order，而係可以say no。男友連簡單嘅承諾都未能做到，令佢認為男友會做呢個決定係唔重視佢，反思兩人似乎好難有將來！

Photo from TVB

網民睇完都有唔同嘅意見，大部份網民認為港女未免太唔了解香港嘅辦公室文化，好明顯男友係冇選擇嘅餘地被迫OT；有部份網民就認為男友OT係無可避免，不過就處理得唔好，應該係知道要OT嘅時候，就立刻同港女講，咁就可以避免令佢係街白白等待一個鐘頭嘅時間！

Photo from Dcard討論區

Photo from Dcard討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）