TVB小生身價大公開!最高人工達3,000萬竟然係佢?袁偉豪年薪直逼視帝!

TVB小生身價大公開!最高人工達3,000萬竟然係佢?袁偉豪年薪直逼視帝!

ByJennifer on 22 Jul 2021

TVB作為大台,培養出唔少小生花旦,近日有指視帝陳展鵬與TVB續約時想加人工,與黎耀祥睇齊,不過就被拒絕。TVB一眾視帝身價亦曝光,其中唔係視帝嘅袁偉豪年薪亦可媲美一線小生。

TVB作為大台,培養出唔少小生花旦
Photo from TVB

#陳展鵬

陳展鵬2016年憑《城寨英雄》首奪「最佳男主角」
Photo from TVB

陳展鵬2008年加入TVB,之後出演多套電視劇,終於喺2016年憑《城寨英雄》首奪「最佳男主角」。佢近年作品大減,有指佢與無線嘅合約年底就完結,雙方喺討論續約時陳展鵬要求加人工至$500萬,但TVB則認為加得太多,於是拒絕對方要求。雖然陳展鵬否認自己要求加薪,但亦可睇得出TVB視帝嘅身價極高。

陳展鵬與女兒小豬比
Photo from 陳展鵬IG

#黎耀祥

黎耀祥為三屆視帝
Photo from TVB

由綠葉做到視帝,曾3度奪得「最佳男主角」,身價急升,有指佢年薪達$500萬,雖然唔算好高,不過近年佢返內地登台、演出賺人仔,收入相當可觀。

近年黎耀祥返內地登台、演出賺人仔
Photo from TVB

#王浩信

王浩信2017年憑《踩過界》 首奪「最佳男主角」
Photo from TVB

王浩信2007年加入TVB,做咗8年首度擔任第一男主角,最終喺2017年憑《踩過界》 首奪「最佳男主角」,佢2020年兩套劇集都有唔錯成績,更再度成為視帝,身價已達$600萬。

王浩信2020年再度成為視帝
Photo from TVB

#馬國明

馬國明2019年憑《白色強人》首封視帝
Photo from TVB

獲封「荀盤」嘅馬明一向形象正面,曾多次「陪跑」,三度獲得「最受歡迎電視男角色」,直到2019年憑《白色強人》首封視帝。近年佢北上搵真銀,形象好好嘅馬明年薪約有$800萬!

馬明一向形象正面
Photo from 馬國明IG

#陳豪

陳豪早喺2007年憑《溏心風暴》「得得地」一角同時奪得「我最喜愛的電視男角色」同「最佳男主角」,成為雙料視帝
Photo from TVB

陳豪早喺2007年憑《溏心風暴》「得得地」一角同時奪得「我最喜愛的電視男角色」同「最佳男主角」,成為雙料視帝。雖然之後佢除咗2010年嘅「最佳專業表現大獎」外未再攞獎,但落力拍劇養家嘅佢好爸爸、好老公嘅形象令陳豪深受廣告商歡迎!有傳佢2019年同TVB以$3,000萬續約,而且仲係包薪制,就算無工開,每個月都有6位數袋,成為TVB最高人工嘅藝人。

好爸爸、好老公嘅形象令陳豪深受廣告商歡迎
Photo from 陳豪IG

#袁偉豪

袁偉豪憑《城寨英雄》「牙佬」一角人氣急升
Photo from TVB

雖然袁偉豪未曾攞過視帝,但有指佢年薪唔低。袁偉豪憑《城寨英雄》「牙佬」一角人氣急升,尤其喺馬來西亞知名度提高,2018年更奪得「馬來西亞最喜愛TVB男主角」與「新加坡最喜愛TVB男主角」,年薪有$300萬。

雖然袁偉豪未曾攞過視帝,但有指佢年薪唔低
Photo from 袁偉豪IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳豪眼神演技震撼內地網民!TVB視帝輪流騷演技 兩地觀眾反應大不同?

5 May 2021

近日TVB喺抖音公開咗幾位視帝嘅「眼技(眼神演技)接力賽」,有馬國明、郭晉安、陳豪、黎耀祥等,唔少內地網民大讚佢哋零對白仍超好戲,感歎TVB人才好多!

TVB
Photo from TVB

TVB多年嚟培養咗唔少好戲之人,其中視帝陳豪最近主演《愛美麗狂想曲》被批演技,指佢過於浮誇,又表示佢近嚟嘅角色都係差唔多,又chok又講走音英文。

視帝陳豪最近主演《愛美麗狂想曲》被批演技,指佢過於浮誇
Photo from TVB

陳豪喺2007年《萬千星輝頒獎典禮》憑《溏心風暴》「得得哋」一角同時奪得「我最喜愛的電視男角色」、「最佳男主角」,成雙料視帝。

陳豪喺2007年《萬千星輝頒獎典禮》憑《溏心風暴》「得得哋」一角同時奪得「我最喜愛的電視男角色」、「最佳男主角」,成雙料視帝。
Photo from TVB

廣告
廣告

不過近年佢經常以同一樣嘅演繹方法備受觀眾批評,指佢「越嚟越hea」,不過佢喺內地人氣仍相當之高!

近年陳豪經常以同一樣嘅演繹方法備受觀眾批評,指佢「越嚟越hea」
Photo from TVB

近日TVB官方喺抖音公開咗「眼技(眼神演技)接力賽」,幾位視帝都有參與,其中陳豪就要演繹「她結婚了」,全程零對白,只靠表情同眼神表達,獲內地網民激讚!

近日TVB官方喺抖音公開咗「眼技(眼神演技)接力賽」,幾位視帝都有參與
Photo from TVB

陳豪眼泛淚光,輕輕低頭,神情哀傷,內地網友表示睇到眼濕濕,又指佢演技好好。除咗陳豪,仲有馬國明、郭晉安、黎耀祥都有參與「眼技接力賽」。

陳豪眼泛淚光,輕輕低頭,神情哀傷,內地網友表示睇到眼濕濕,又指佢演技好好
Photo from 微博

馬明就要扮攞唔到視帝,佢行幽默路線,並無重現經典o嘴表情,而係尷尬失落,之後一臉哀怨。

馬明就要扮攞唔到視帝,佢行幽默路線
Photo from 微博

馬明一臉哀怨。
Photo from 微博

郭晉安就要演繹歇斯底里,佢一邊大嗌:「真係唔關我事㗎!但我又無權無勢,無人會信我㗎!」,最後更露出奸笑,令內地網民諗起《與敵同行》「唐立言」一角同《忠奸人》,表示睇到心寒。

郭晉安就要演繹歇斯底里
Photo from TVB

郭晉安更露出奸笑
Photo from TVB

TVB
Photo from TVB

黎耀祥則要表現「反派的迷人笑容」,佢眼神陰險,一臉兇狠。睇完幾位視帝演出,唔少內地網友大讚TVB演員演技出眾:「TVB牛B」「比很多流量小鮮肉有顏值有演技!」、「眼神都是戲」、「TVB演員演技顏值有保障」

黎耀祥眼神陰險,一臉兇狠。
Photo from 微博

唔少內地網友大讚TVB演員演技出眾
Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

佘詩曼喊戲獲封「教科書級演技」!眼淚超有感染力!網友:演技冠絕中港台

9 Nov 2020

視后佘詩曼近日喺大陸劇《燕雲台》中嘅演技大受讚賞,其中一場喊戲,眼淚留喺眼眶中勁有感染力,獲封「教科書級神演技」!網友大讚阿佘喊得靚:「演技冠絕中港台女演員。」

佘詩曼同大台合約完結後就北上發展賺人仔,雖然普通話唔好,但憑出色演技,以《延禧攻略》「嫻妃」一角彈出,人氣急升!

佘詩曼同大台合約完結後就北上發展賺人仔,憑出色演技,以《延禧攻略》「嫻妃」一角彈出,人氣急升!

貴為兩屆視后嘅阿佘演技當然毋庸置疑,佢近日參演另一套劇集《燕雲台》,演技再度成為熱話。

兩屆視后阿佘近日參演另一套劇集《燕雲台》,演技再度成為熱話。

阿佘喺新劇中飾演「蕭胡輦」,佢為救妹妹,被逼嫁畀太平王,而出嫁一幕嘅喊戲更令觀眾大為讚賞。

阿佘喺新劇中飾演「蕭胡輦」,佢為救妹妹,被逼嫁畀太平王

阿佘出嫁雖然係大喜日子,但畢竟對方唔係自己心儀嘅對象,喺喜轎上眼眶含淚,強自露出笑容,完美演繹出身不由己嘅複雜心情!

阿佘出嫁雖然係大喜日子,但畢竟對方唔係自己心儀嘅對象,喺喜轎上眼眶含淚,強自露出笑容,完美演繹出身不由己嘅複雜心情!

喊得靚仲充滿感染力添!阿佘嘅神演技獲封「教科書級」表演,網民又大讚佢演技冠絕中港台女演員。

阿佘嘅神演技獲封「教科書級」表演,網民又大讚佢演技冠絕中港台女演員。

其實阿佘當初演《延禧攻略》奸角「嫻妃」時已獲讚壞得嚟一啲都唔討厭,今次演少女角色都難佢唔到,再印證佢演技出色,兩屆視后絕對實至名歸!

佘詩曼今次演少女角色都難佢唔到,再印證佢演技出色,兩屆視后絕對實至名歸!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook