download HolidaySmart 假期日常 app
【MIRROR苦主群】鸚鵡都識唱「焫著」!MIRROR魅力迷倒外傭姐姐

【MIRROR苦主群】鸚鵡都識唱「焫著」!MIRROR魅力迷倒外傭姐姐

時事熱話 娛樂新聞
By Jennifer on 23 Jul 2021
Digital Editor

MIRROR 12位成員人氣越嚟越勁,有鏡粉男友、老公開咗「我老婆嫁左比Mirror導致婚姻破裂關注組」,近日有「苦主」出post指連家中養嘅鸚鵡都識跟住唱MIRROR嘅歌《IGNITED》:「焫焫焫焫焫焫著」!

MIRROR 12位成員人氣越嚟越勁Photo from MIRROR

「我老婆嫁左比Mirror導致婚姻破裂關注組」自開設以嚟,群組成員一直上升,唔少鏡粉老公、男友都分享另一半嘅追星趣事。

MIRRORPhoto from MIRROR

有一位印度男士就喺群組「控訴」政府唔block咗MIRROR,令佢失去佢老婆,可見MIRROR影響力已擴展到外國。近日有網友喺關注組開post,指「唔識廣東話嘅工人姐姐喺我後邊哼咗一句:『焫焫焫焫焫焫焫着』」,連外傭姐姐都被MIRROR迷倒!

近日有網友喺關注組開post,指「唔識廣東話嘅工人姐姐喺我後邊哼咗一句:『焫焫焫焫焫焫焫着』」Photo from 我老婆嫁左比Mirror導致婚姻破裂關注組

有網友分享佢同外傭姐姐嘅WhatsApp對話記錄,網友指之前sent咗廿幾張姜濤嘅相畀姐姐後:「我同我姐姐嘅whatsapp都充滿住姜濤」,網民一send姜濤sticker,姐姐即刻回心心眼。

有網友分享佢同外傭姐姐嘅WhatsApp對話記錄Photo from 我老婆嫁左比Mirror導致婚姻破裂關注組

網民一send姜濤sticker,姐姐即刻回心心眼。Photo from 我老婆嫁左比Mirror導致婚姻破裂關注組

另一位網民就表示佢嘅外傭姐姐有follow AnsonLo、Edan同姜B嘅IG,睇嚟MIRROR成員嘅fans數目真係十分驚人!

另一位網民就表示佢嘅外傭姐姐有follow AnsonLo、Edan同姜B嘅IGPhoto from 我老婆嫁左比Mirror導致婚姻破裂關注組

MIRROR嘅魅力更迷倒人類以外嘅生物!網友公開咗一段片段,佢指家中飼養嘅鸚鵡都唱「焫焫焫焫焫焫著」(MIRROR歌曲《IGNITED》嘅歌詞)。

網友公開咗一段片段,佢指家中飼養嘅鸚鵡都唱「焫焫焫焫焫焫著」Photo from 我老婆嫁左比Mirror導致婚姻破裂關注組

片段中電視機正播放MIRROR唱《IGNITED》嘅片段,而企喺梳化上嘅鸚鵡聽完副歌之後就跟住一齊唱:「焫焫焫焫焫焫著」,咬字仲幾清楚下!

MIRROR唱《IGNITED》Photo from MIRROR

MIRRORPhoto from MIRROR

企喺梳化上嘅鸚鵡聽完副歌之後就跟住一齊唱:「焫焫焫焫焫焫著」Photo from 我老婆嫁左比Mirror導致婚姻破裂關注組

網民表示:「咩料呀? 連屋企隻鸚鵡都唱焫焫焫焫焫焫著………..雖然走哂音,你唔好以為我聽唔出呀!都唔知好嬲定好笑……」,唔少網友大讚鸚鵡可愛,又指佢應該畀MIRROR首歌洗咗腦~

MIRRORPhoto from MIRROR

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

MIRROR粉絲老公開設「控訴」大聯盟!12大鏡粉追星惹伴侶呷醋趣事

5 Jul 2021

超人氣偶像男團MIRROR出道兩年吸納眾多fans,近日有MIRROR Fans老公喺Facebook開設群組「我老婆嫁咗MIRROR導致婚姻破裂關注組」,加入人數更持續上升,唔少鏡粉男朋友、老公分享另一半迷MIRROR嘅控訴,超搞笑。

超人氣偶像男團MIRROR出道兩年吸納眾多fansPhoto from MIRROR IG

MIRROR 12位成員出道以嚟人氣越嚟越勁,ViuTV播出嘅《調教你MIRROR》令「MIRROR熱潮」繼續,有網友喺Facebook開設「我老婆嫁咗MIRROR導致婚姻破裂關注組」。

有網友喺Facebook開設「我老婆嫁咗MIRROR導致婚姻破裂關注組」。Photo from 我老婆嫁咗MIRROR導致婚姻破裂關注組

群組負責人指:「有一日,我老婆愛上Mirror,之後我就日日都係屋企聽到姜濤把聲、見到Anson Lo個樣,下刪一千字….但係,我唔憎Mirror,我只係覺得各位男士需要一個group盡訴心中情」,短短時間內群組成員數目已突破5.5萬!

群組負責人指:「有一日,我老婆愛上Mirror,之後我就日日都係屋企聽到姜濤把聲、見到Anson Lo個樣,下刪一千字….但係,我唔憎Mirror,我只係覺得各位男士需要一個group盡訴心中情」Photo from MIRROR IG

唔少男士都分享咗佢哋同另一半嘅趣事,亦有唔少鏡少入group,細說男友、老公呷醋嘅有愛小事:

1. 換來電照片

有鏡粉老公發現太太將電話「老公」嘅來電照片換成姜濤。其實都可能、可能、可能係太太覺得佢好似姜濤咁靚仔...掛?!

有鏡粉老公發現太太將電話「老公」嘅來電照片換成姜濤Photo from 我老婆嫁咗MIRROR導致婚姻破裂關注組

2. 睇《調教你MIRROR》睇到喊

作為鏡粉,睇《調教你MIRROR》忍唔住喊其實都好正常,不過有網友就指:「當年同老婆求婚佢不流一滴淚,但佢睇《調教你MIRROR》話好感動喊咗」,網友本人都好想喊。

睇《調教你MIRROR》睇到喊Photo from 我老婆嫁咗MIRROR導致婚姻破裂關注組

3. 追姜濤真人

有一位爸爸分享試過一家四口見到姜濤真人經過,結果老婆即刻追咗出去,淨低佢同兩個女企喺度,女兒仲要問爸爸:「媽咪去咗邊呀?」,爸爸坦言:「我唔識答。」然後加咗個hashtag「#跟佬走左」,真係令人哭笑不得。

有一位爸爸分享試過一家四口見到姜濤真人經過,結果老婆即刻追咗出去,淨低佢同兩個女企喺度Photo from 我老婆嫁咗MIRROR導致婚姻破裂關注組

4. 老公唔返屋企食飯都無所謂

有一位鏡粉老公表示佢同太太講佢7月7號要開會,唔返屋企食飯,太太秒回佢「無問題」,話:「7/7 Anson Lo生日」,都明嘅,教主生日對「神徒」嚟講當然係重要日子啦!

有一位鏡粉老公表示佢同太太講佢7月7號要開會,唔返屋企食飯,太太秒回佢「無問題」,話:「7/7 Anson Lo生日」Photo from 我老婆嫁咗MIRROR導致婚姻破裂關注組

Anson LoPhoto from MIRROR YouTube

5. 印度老公出現

MIRROR魅力大到有鏡度鏡粉出現?!有一位印度男士喺群組「控訴」政府唔block咗MIRROR,令佢失去佢老婆。

有一位印度男士喺群組「控訴」政府唔block咗MIRROR,令佢失去佢老婆。Photo from 我老婆嫁咗MIRROR導致婚姻破裂關注組

6. 點分12個人

有鏡粉問另一半分唔分到MIRROR 12位成員,點知對方竟反問佢識唔識分12個超人,睇嚟對男人嚟講分MIRROR成員同女性分超人一樣咁難!

有鏡粉問另一半分唔分到MIRROR 12位成員,點知對方竟反問佢識唔識分12個超人Photo from 我老婆嫁咗MIRROR導致婚姻破裂關注組

7. 唔識分教主?!

有網友分享佢到依家都分唔到盧冠廷同盧瀚霆(Anson Lo),雖然個樣大有分別,不過個名又有幾分相似,分唔到都理解嘅。

有網友分享佢到依家都分唔到盧冠廷同盧瀚霆(Anson Lo)Photo from 我老婆嫁咗MIRROR導致婚姻破裂關注組

盧冠廷《陪著你走》Photo from VIUTV

盧瀚霆(Anson Lo)Photo from MIRROR IG

8. 小朋友係無罪

有網友指佢個仔今年6歲,以前中意唱let it go,依家就唱《蒙著嘴說愛你》,仲會比手指心心,不過姜濤又真係有唔少小朋友fans。

有網友指佢個仔今年6歲,以前中意唱let it go,依家就唱《蒙著嘴說愛你》,仲會比手指心心Photo from 我老婆嫁咗MIRROR導致婚姻破裂關注組

9. 花姐老公最需要入group

有網友就重提花姐話佢老公之前好不滿:「天下間最不滿MIRROR嘅老公,花姐嘅先生認第二應該無人敢認第一」,花姐老公有無入group就未知,不過花姐本人就入咗group啦!仲話老公們男朋友們好可愛,睇到啲post唔捨得瞓。

網民表示花姐老公最需要入groupPhoto from 我老婆嫁咗MIRROR導致婚姻破裂關注組

有網友就重提花姐話佢老公之前好不滿Photo from 我老婆嫁咗MIRROR導致婚姻破裂關注組

花姐本人就入咗group啦!Photo from 花姐IG

10. 諗MIRROR令老公傷心

有鏡粉老公問太太如果Ian、姜濤同時向佢求婚會揀邊個,呢個問題真係令鏡粉十分糾結,諗完成晚第二朝同老公解釋佢會揀邊個,竟令老公表示佢成晚唔瞓諗另外兩個男人覺得好傷心,又係你問先嘅......

有鏡粉老公問太太如果Ian、姜濤同時向佢求婚會揀邊個Photo from 我老婆嫁咗MIRROR導致婚姻破裂關注組

11. 有唔少老婆都入咗group

群主大呻:「我開個group畀老公入嚟,依家啲老婆入晒嚟」

群主大呻:「我開個group畀老公入嚟,依家啲老婆入晒嚟」Photo from 我老婆嫁咗MIRROR導致婚姻破裂關注組

12. 為太太畫MIRROR

有鏡粉老公親手畫咗12位MIRROR成員送畀老婆做生日禮物,好sweet呀!

有鏡粉老公親手畫咗12位MIRROR成員送畀老婆做生日禮物Photo from 我老婆嫁咗MIRROR導致婚姻破裂關注組

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

盤點Mirror12位成員可愛童年照 搞笑花名/舊英文名/身高/學歷大公開!

20 May 2021

香港男子組合Mirror最近非常紅,早前剛剛舉行完佢哋一連6日嘅演唱會,仲掀起返香港人嘅追星熱潮!而家就一齊嚟睇下12位成員嘅童年照、身高、花名等,深入咁認識下佢哋啦~

Mirror FBPhoto from Mirror FB

隊長 Lokman(楊樂文)

現年31歲嘅Lokman細細個就嘅時候就已經眼仔碌碌,非常得意,就咁睇呢張相都可以估到係佢!中學時候嘅佢,就已經好有男人味,同而家嘅佢冇太大嘅分別。

ViuTVPhoto from ViuTV

ViuTVPhoto from ViuTV

Lokman身高173cm,以前嘅英文名係Terry,花名叫「哈利」、「港普之父」,由於佢經常都帶著頭巾,所以佢嘅粉絲名叫「頭巾兵團」。由於佢熱愛跳舞,所以喺中學畢業之後,佢就開始佢嘅dancer生涯,喺2013年仲有份參與電影《狂舞派》嘅演出,舞蹈實力備受肯定!

Lokman IGPhoto from Lokman IG

Lokman IGPhoto from Lokman IG

副隊長Anson Kong(江熚生)

現年28歲嘅AK細個嘅時候面圓圓,pose非常鬼馬,影相時冇咩表情,有「天然呆」嘅感覺!

AK IGPhoto from AK IG

AK IGPhoto from AK IG

AK係Mirror嘅副隊長,身高177cm,小時候嘅英文名係Sam,中學時被稱為「馬騮」、「狗仔」;而家就俾粉絲稱為「老闆」,粉絲名就叫「生粉」!佢喺2013年曾經參加過快樂男聲嘅香港區選拔賽,之後2014年遠赴韓國成為練習生,可惜半年後公司取消計劃。後來,佢就返香港成為dancer,曾經為多位歌手伴舞。

AK IGPhoto from AK IG

AK IGPhoto from AK IG

Jer(柳應廷)

現年28歲嘅Jer 曾經喺IG上載自己BB時期嘅照片,俾唔少網民大讚佢係「巨B」!細細個嘅時候亦同而家一樣,笑容燦爛~

Jer IGPhoto from Jer IG

ViuTVPhoto from ViuTV

Jer身高176cm,以前嘅英文名叫Peter,花名係「柳樹」,粉絲名字非常搞笑,叫做「柳柳粉」(亦可叫「柳炒」)!佢喺畢業於香港浸會大學國際學院文學副學士(傳理學),讀書時期就已經參加唔少嘅唱歌比賽,仲獲得過冠軍!佢熱愛唱歌,所以就喺2012年同朋友組成音樂樂隊「Bromance」,經常喺街上有busking演出。

Jer IGPhoto from Jer IG

Jer IGPhoto from Jer IG

Anson Lo(盧瀚霆)

現年25歲嘅Anson Lo 細細個嘅時候係冬菇頭髮型,十分可愛!佢皮膚白淨,斯斯文文,睇落非常乖巧~

ViuTVPhoto from ViuTV

ViuTVPhoto from ViuTV

Anson Lo 身高176cm,小時候並冇花名,而家就俾粉絲稱為「教主」,粉絲名叫「神徒」!Anson Lo畢業於香港城市大學工商管理學士,主修商業分析。喺未加入Mirror之前,就已經係專業舞者同埋舞蹈老師,參加過唔同嘅舞蹈演出同比賽。

Anson Lo IGPhoto from Anson Lo IG

Anson Lo IGPhoto from Anson Lo IG

Ian(陳卓賢)

現年27歲嘅Ian細個嘅時候,都係一個「小肥仔」,塊面肉嘟嘟咁,非常可愛!而佢嘅招牌笑容同而家一樣冇變過~

ViuTVPhoto from ViuTV

Ian IGPhoto from Ian IG

Ian身高181cm,以前叫Thomas,由於細個嘅時候比較圓潤,所以花名叫做「肥賢」,粉絲名叫「Hellosss」!佢畢業於香港城市大學主修公共政策與政治,同時亦係城大男排校隊成員同埋南華排球隊前成員。佢唔單止運動了得,仲好有音樂才華,識得彈鋼琴同結他,佢有幾首派台歌曲都有份作曲兼作詞~

Ian IGPhoto from Ian IG

Ian IGPhoto from Ian IG

Edan(呂爵安)

現年24歲嘅Edan細個嘅時候,眼大大、兜風耳,非常得意!大家又認唔認得出佢係Edan呢?

ViuTVPhoto from ViuTV

ViuTVPhoto from ViuTV

Edan身高177cm,花名叫「呂安」、「兒登」;粉絲名叫「爵屎」!佢畢業於香港大學工商管理學學士,主修資訊系統,可以話係一位學霸~而且佢亦好有音樂才華,識得彈小提琴,鋼琴仲考獲八級。

Edan IGPhoto from Edan IG

Edan IGPhoto from Edan IG

姜濤

相信大家都一定睇過姜濤嘅童年照片,事關佢係「每個肥仔都係潛力股」嘅最佳例子!

姜濤IGPhoto from 姜濤IG

姜濤IGPhoto from 姜濤IG

現年22歲嘅姜濤身高177cm,以前叫做David,因為以前身形比較肥,所以被稱為「肥姜」。而家就俾網民叫「姜B」,粉絲名叫「姜糖」!佢並冇考DSE,而係去讀青年學院(邱子文)文憑健體及運動課程,曾經話如果冇入行就應該係做運動老師!

姜濤IGPhoto from 姜濤IG

姜濤IGPhoto from 姜濤IG

Frankie(陳瑞輝)

現時32歲嘅Frankie細個嘅時候面圓圓,加埋佢個齊劉海髮型,十分得意!同以前最大嘅分別應該就係面型,而家嘅佢比較瘦~

ViuTVPhoto from ViuTV

ViuTVPhoto from ViuTV

Frankie身高172cm,花名叫「粉皮」,後來網民稱佢為「皮皮」,係大家公認嘅美男子!佢畢業於香港理工大學,主修酒店業管理學士,畢業後成為專業dancer,曾經為多位歌手伴舞,擁有豐富舞台經驗。

Frankie IGPhoto from Frankie IG

Frankie IGPhoto from Frankie IG

Stanley(邱士縉)

現時30歲嘅Stanely細個嘅時候係單眼皮,笑起上來眼細細,同而家相比又有第二種魅力~

ViuTVPhoto from ViuTV

ViuTVPhoto from ViuTV

Stanley身高181cm,花名叫「馬鞍山巨龍」同埋「痾屎縉」,粉絲名叫「TeamStanley」!佢畢業於城市大學,係舞蹈團隊Chestnuts Dance Crew嘅成員,出道前係舞蹈老師同埋dancer~

Stanley IGPhoto from Stanley IG

Stanley IGPhoto from Stanley IG

Alton(王智德)

現年31歲嘅Alton細個嘅樣貌同而家,簡直係一模一樣!佢嘅招牌笑眼,令人一下子就可以認得出佢~

ViuTVPhoto from ViuTV

ViuTVPhoto from ViuTV

Alton身高174cm,花名叫「德仔」,粉絲名叫「蛋白粉」!佢畢業於香港城市大學,主修電子物流及科技管理學。佢出道前係一位舞蹈老師兼健身教練,仲曾經參加過健美比賽,並獲得第6名嘅成績~

Alton IGPhoto from Alton IG

Alton IGPhoto from Alton IG

Jeremy(李駿傑)

現年25歲嘅Jeremy細個嘅時候,就已經好有個人特色,與別不同~

ViuTVPhoto from ViuTV

ViuTVPhoto from ViuTV

Jeremy身高182cm,以前嘅英文名係Jeff,所以同學都叫佢做「姐夫」,粉絲名叫「Unicorns」!佢曾經表示自己從小就已經想做歌手,參加過唔同嘅唱歌同選秀比賽,仲話訂咗限期比自己,如果25歲前都冇發展機會,就會放棄夢想。

Jeremy IGPhoto from Jeremy IG

Jeremy IGPhoto from Jeremy IG

Tiger(邱傲然)

現年21歲嘅Tiger細個就好識得擺pose,同而家一樣非常有台型!

ViuTVPhoto from ViuTV

TigerIGPhoto from TigerIG

Tiger身高168cm,花名叫「Lion」、「Bond」,粉絲名叫「小虎隊」!佢曾經就讀香港浸會大學嘅電影學院電影製作高級文憑課程,因為喺節目中跳拉丁舞而為人熟悉,佢亦識得彈結他同打鼓,好有音樂天份!

Tiger IGPhoto from Tiger IG

Tiger IGPhoto from Tiger IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel