港女男友遭母親嫌棄家境不夠好 勢利行為令港女萌生搬走念頭!

港女男友遭母親嫌棄家境不夠好 勢利行為令港女萌生搬走念頭!

ByStephanie on 22 Jul 2021

唔少父母都非常在意子女嘅另一半家庭背景夠唔夠好!近日,有位港女就表示母親因為現任男友嘅家庭背景唔夠富裕,而感到不滿意。母親仲經常攞男友同前男友相比,令港女感到十分失望。

TVB
Photo from TVB

正所謂「男怕入錯行,女怕嫁錯郎」,唔少父母都會著緊子女嘅另一半家境係唔係富裕,害怕子女唔能夠幸福咁渡過下半生!日前,有位港女就喺討論區表示母親因為不滿現任男友嘅家境,而不停喺佢面前批評男友,並同前男友比較,令佢心裏好難受。

Dcard討論區
Photo from Dcard討論區

港女表示自己來自單親家庭,可能因為咁樣母親特別著緊拍拖結婚嘅事情。佢表示前男友係富二代,中學畢業之後就喺家人嘅車房工作,仲至少有五六架名車喺手,可以話係生活無憂。當時拍拖,母親就見過前男友,知道對方嘅背景後就更加讚不絕口,認為佢係「頂級筍盤」!

TVB
Photo from TVB

可惜,港女後來發現前男友偷偷落酒吧認識女仔而分手。母親知道後,仲反而話港女玩弄感情,意志唔夠堅定,導致失去咁「優質」嘅男友!

TVB
Photo from TVB

然後,港女就認識咗現任男友,直到而家都已經拍咗拖差唔多2年。男友係IVE畢業,工作穩定月入2萬,同樣都係住公屋。不過,佢就表示同男友相處得好舒服,係第一次發現原來拍拖可以咁開心!

TVB
Photo from TVB

雖然男友仲未正式見過母親,不過港女偶爾都會同佢講關於男友嘅事。但當母親聽完男友嘅情況之後,就成日都話「叫佢再讀下書進修下啦!」、「咁樣買唔買到車同樓㗎?」,仲經常強調「同佢講定到時要養埋我㗎」!

廣告
廣告

TVB
Photo from TVB

而母親最近又再同港女講「以前嗰男友幾好啊,而家呢個咁窮,女仔人家都係搵有錢人嫁咗算啦」,仲表示只係希望女兒可以生活得好啲,但偏偏選擇一個要一齊捱嘅男友。雖然港女知道母親本來就比較勢利,但今次竟然喺佢面前講出嚟,聽完之後佢嘅心真係好唔舒服!

TVB
Photo from TVB

最離譜嘅係其實母親對男友嘅了解並唔多,好多嘢都係佢自己諗出嚟,十分唔認同母親所講嘅「大道理」,令港女更加萌生想同男友一齊搬出嚟住嘅念頭!

TVB
Photo from TVB

大部份網民睇完都表示支持港女,認為愛情係兩個人嘅事,只要大家覺得相處得舒服就可以;有網民亦都覺得港女母親嘅做法好唔尊重人,儘管佢出發點係為女兒好,但未免太過激進......

Dcard討論區
Photo from Dcard討論區

Dcard討論區
Photo from Dcard討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook