download HolidaySmart 假期日常 app
姜濤或將與《聲夢》兩大「人氣王」合體拍電影!仲有其他MIRROR成員參演?!

姜濤或將與《聲夢》兩大「人氣王」合體拍電影!仲有其他MIRROR成員參演?!

電視電影 娛樂新聞
By Jennifer on 23 Jul 2021
Digital Editor

MIRROR爆紅,各位成員喺樂壇發展唔錯,其中姜濤更獲彭秀慧力邀與影后毛舜筠合作拍電影。有指第二女主角有意請《聲夢傳奇》人氣王加盟,而且或會有其他MIRROR成員參演!

MIRRORPhoto from MIRROR IG

ViuTV旗下藝人MIRROR粉絲眾多,其中人氣成員姜濤吸金力驚人,有逾30個廣告。姜濤咁有號召力除咗深得廣告商歡心,更獲電影公司青睞。

MIRROR人氣成員姜濤吸金力驚人,有逾30個廣告Photo from 姜濤IG

曾擔任《全民造星3》嘅導師彭秀慧將開拍一部溫情電影,佢更睇中姜濤,邀請佢試鏡,最終同影后毛舜筠成為電影主演。

姜濤同影后毛舜筠合作拍戲Photo from 姜濤IG

姜濤自出道以嚟一直集中喺樂壇發展,期間雖然有出演電視劇,但多數都係客串性質,之後佢為去台灣拍劇,跟彭秀慧上堂學做戲,終於中意咗演戲。

姜濤自出道以嚟一直集中喺樂壇發展,期間雖然有出演電視劇,但多數都係客串性質Photo from 姜濤IG

電影仲有邀請MIRROR其他成員試鏡,有指Anson Lo、Jer、Edan其中一人都會出演呢套電影。

《大叔的愛》令Edan同Anson Lo人氣急升!Photo from Anson Lo IG

電影仲有邀請MIRROR其他成員試鏡Photo from Jer IG

主演雖然已定好,但仲有第二女主角未定,有報道指電影公司有意搵TVB最近大熱節目《聲夢傳奇》嘅女學員參演,人選將會喺「國民初戀」姚焯菲(Chantel)同「跳唱女神」鍾柔美(Yumi)兩人之間選出。

有報道指電影公司有意搵TVB最近大熱節目《聲夢傳奇》嘅女學員參演Photo from Yumi IG

《聲夢傳奇》播出以嚟Chantel人氣急升,可與冠軍炎明熹(Gigi)媲美,而Yumi亦因為唱跳實力出色而喺節目尾段成為黑馬,如果佢哋真係落實加盟,電影將會雲集兩大電視台人氣王,話題度爆燈!

《聲夢傳奇》播出以嚟Chantel人氣急升,可與冠軍炎明熹(Gigi)媲美Photo from Chantel IG

Yumi亦因為唱跳實力出色而喺節目尾段成為黑馬Photo from Yumi IG

不過有人質疑《聲夢》嘅Chantel同Yumi年紀尚小,未有演戲經驗就畀佢哋做女二。其實兩位都有演戲經驗。其中Yumi自細已學習演戲,仲參演過大台劇集《城寨英雄》等。

Yumi自細已學習演戲,仲參演過大台劇集。Photo from Yumi IG

TVBPhoto from TVB

TVBPhoto from TVB

Chantel亦喺學校上過戲劇班,更試過出演舞台劇,曾擔任主角、演過學生,但佢坦言未試過好專業咁演戲。呢部電影有望喺8月底開拍。

Chantel亦喺學校上過戲劇班,更試過出演舞台劇Photo from Chantel IG

Chantel IGPhoto from Chantel IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

ViuTV再開拍青春偶像劇 Edan頻頻操肌再做男主角?網民最期待參演的MIRROR成員係佢?!

15 Jul 2021

ViuTV電視劇《大叔的愛》正在熱播中,而網民嘅反應非常熱烈,仲令劇集成為開台以來最高收視嘅一部電視劇!最近,就有傳ViuTV正在籌備開拍一部有關泳隊嘅劇集,令唔少網民都開始猜測男主角究竟會係邊個!

MIRROR IGPhoto from MIRROR IG

由黃德斌、MIRROR成員Anson Lo(盧瀚霆)同Edan(呂爵安)所主演嘅電視劇《大叔的愛》將於今個星期迎來大結局,令唔少網民都表示非常不捨!由於劇中內容搞笑,一開播就已經引起引起大家嘅關注,成為咗ViuTV開台以來收視最高嘅電視劇!

《大叔的愛》Photo from 《大叔的愛》

《大叔的愛》Photo from 《大叔的愛》

最近,有傳ViuTV正在籌備開拍電視劇《i.SWIM》,係繼《男排女將》後又再一次拍攝青春熱血類型嘅劇集。而ViuTV亦喺FB上招募男女泳手演員一齊參與拍攝,並透露將會喺今個夏天開拍,而家正在準備演員海選當中!

ViuTV FBPhoto from ViuTV FB

據悉,ViuTV已經將男主角嘅人選將會由MIRROR成員所出演,而部份成員已經完成 casting,其中呼聲最高嘅就有最近大熱嘅Anson Lo同Edan。

MIRROR IGPhoto from MIRROR IG

Edan IGPhoto from Edan IG

不過有唔少網民都猜測Edan有可能會係男主角,因為游泳劇難免會有晒身材嘅畫面。然而,Edan早前就喺IG上載咗自己健身後嘅肌肉照,仲話「但嚟緊工作需要必須操到好fit,希望變到大隻安」,令網民不禁猜測佢好大機會有份出演新劇!

Edan IGPhoto from Edan IG

對於男主角嘅心水人選,唔少網民都係提議MIRROR嘅成員,當中Stanely、Ian等擁有fit爆身材嘅佢哋,都成為網民心目中嘅人選!而女主角人選方面,網民就提議身材唔錯嘅女藝人們,包括有鄧麗欣(Stephy)、沈殷怡、李炘頤等。有咁華麗嘅演員陣容,相信電視劇一開播嘅時候必定能夠引起熱話~

Ian IGPhoto from Ian IG

鄧麗欣IGPhoto from 鄧麗欣IG

講起有關游泳嘅電視劇,相信大家一定會諗起於2003年播放嘅青春偶像劇《戀愛自由式》!當時係由一眾新生代演員陳文媛、蕭正楠、唐寧等人主演,而電視劇中亦都有當時嘅偶像團體Cookies成員參與拍攝,劇中唔少經典場面同對白,令大家到而家都歷歷在目㗎!

TVBPhoto from TVB

TVBPhoto from TVB

最為人熟悉嘅場面就一定係游穎(唐寧 飾)喺游泳比賽時所使出嘅必殺技「破冰轉身」,就一直都長存喺網民們嘅心中,直到而家當大家提起呢套電視劇都係會先諗起呢一個招式!

TVBPhoto from TVB

TVBPhoto from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel