孫耀威北上發展直播2個鐘賺過百萬 另類宣傳片被網民斥責：教壞細路！

孫耀威近年專注於內地發展，仲開始喺內地做直播平台嘅主持人。然而近日，佢就以打劫金舖為拍攝內容做宣傳，但就引起網民嘅反感，認為佢嘅行為「教壞細路」、「意識不良」！

Photo from 孫耀威IG

現年48歲嘅孫耀威1992年於台灣出道，後來回港發展，曾發行多張唱片及拍攝電視劇。佢於2017年同拍拖8年嘅女友陳美詩結婚，兩人婚後仲一齊投資開禮服品牌TUXEE，向多方面發展！

Photo from 孫耀威IG

Photo from 孫耀威IG

最近，微博上就瘋傳緊一段以閉路電視形式拍攝，並且以「歌手孫耀威深夜潛入金店」為題嘅影片。從影片中所見，男子威脅金店女店員要求佢交出店內嘅所有金條，最後男子成功攞咗大量金條離開店舖。

Photo from 微博

Photo from 微博

後來，有網民就隨即表示呢條閉路電視影片只係孫耀威為咗宣傳直播頻道嘅影片！喺宣傳片中，孫耀威係攞住電風筒衝入金舖，希望店員可以允許佢借用插頭吹頭，為直播做好準備。期間，孫耀威仲搞笑咁同店員講「我未食飯」，希望可以獲得「金條」朱古力補充體力。

Photo from 微博

Photo from 微博

影片釋出後，網民反應兩極，部份網民認為影片創意新穎，同以往所見到嘅宣傳片非常唔同。不過，亦有部份網民認為孫耀威嘅影片內容係反面教材，認為佢為咗宣傳同噱頭做得太過火，好容易教壞細路！

Photo from 孫耀威微博

孫耀威近年開始擔任直播平台嘅主持人，多數都係同粉絲傾計同獻唱歌曲，獲得大批網民嘅熱烈支持，每次都有約過百萬人收看。據悉，佢只需要直播2個鐘頭就能夠穩賺過百萬港元，再加上佢喺內地嘅演出表演，分分鐘一個月就可以成功賺到過千萬啊！

Photo from 孫耀威抖音

Photo from 孫耀威抖音

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）