【河南水災】黎耀祥跪地為災民祈福！劉德華稱因災情感難受新歌延期推出！被網友質問：捐款了沒？！

河南連日大暴雨引發嘅水災持續，明星亦齊齊捐款、捐物資幫助當地災民。唔少香港藝人都有捐款出一分力，視帝黎耀祥更下跪祈福，為災民打氣，劉德華亦拍片宣佈原定出道40周年嘅活動需暫緩，但竟被網民質問佢捐咗錢未！

Photo from 微博

Photo from 微博

中國河南災情嚴峻，中港台三地藝人紛紛喺微博晒出單據，為當地捐出款項，不過有部分人就被指「捐得太少」，Angelababy、宋茜、程瀟等都被網民鬧爆。

Photo from Angelababy微博

視帝黎耀祥近年作品減少，不過佢北上頻頻登台演出，密密吸金賺人仔。荷包大漲嘅黎耀祥見河南災情嚴重，佢喺微博拍咗條片：「大家團結一致為河南加油 鄭州平安#河南暴雨互助#河南一定行」

Photo from 黎耀祥微博

片中佢特登著上「中國China」T裇，更跪地向天祈福，稱希望快啲雨過天晴：「每一個中國人都會為河南加油打氣，希望雨快停、水快退，河南平安。」，唔少網友都感謝佢，又大讚佢普通話講得好好。

Photo from 黎耀祥微博

Photo from 黎耀祥微博

Photo from 黎耀祥微博

Photo from 黎耀祥微博

天王劉德華亦心繫河南暴雨災情，本來2021年係佢出道40周年，華仔更準備咗一系列活動，包括推出新歌。不過喺災情下佢特意拍片宣佈新歌將延期推出。

Photo from 劉德華全球歌迷影迷會微博

劉德華表情嚴肅：「『華仔天地』內的新歌活動將會暫緩推出，因為看到河南很多地區暴雨成災，難受！所以就把這個活動暫緩吧！」

Photo from 劉德華全球歌迷影迷會微博

Photo from 劉德華全球歌迷影迷會微博

佢又表示感謝雨災中嘅逆行者，希望佢哋平平安安，又呼籲市民盡量唔好外出，要識得保護自己，令唔少歌迷大為感動。

Photo from 劉德華全球歌迷影迷會微博

不過喺微博同內地其他討論區就有網民留言質疑佢無為今次事件捐款，或捐物資，更有人重提當年汶川佢亦只係捐咗10萬元。

Photo from 劉德華全球歌迷影迷會微博

Photo from 劉德華全球歌迷影迷會微博

內地網民甚至更整埋出名單，指出有好多藝人都無捐款，鄧紫棋、郭富城、林峯等都被「點名」。內地網民指唔少香港明星北上發展「賺了不少」，但到內地人民有需要幫忙時就唔出手相助，令人失望。不過有fans就解釋指偶像已捐款，只係低調無公開單據。

Photo from 鄧紫棋微博

Photo from 鄧紫棋微博

Photo from 郭富城微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【鄭州水災】明星捐款金額引熱議！Angelababy/阿嬌捐太少被怒轟！程瀟怒發文反擊網友

22 Jul 2021

中國河南省連日暴雨引發「5000年一遇」大水災，從網上相片、影片可見街道、地鐵都被洪水淹浸。中港台三地明星亦紛紛捐款、捐物資，希望可以幫助當地居民。不過有部分明星就被網友鬧爆捐得太少！

災情嚴峻，內地一眾明星為災民捐款，范冰冰、迪麗熱巴、歐陽娜娜等捐出50萬人民幣，而王嘉爾、陳偉霆、楊冪等則捐出100萬人民幣。

其中黃子韜繼承爸爸公司後，一直被指炫富，但今次災情佢慷慨解囊，共捐300萬，更將旗下服飾店嘅所有衣服下架，捐到災區做物資，獲網友大讚好有善心！

台灣藝人亦有捐款，演員張庭捐出500萬，暫時係捐款數目最高嘅明星、五月天亦捐出300萬、彭于晏亦有捐款100萬人民幣。李榮浩楊丞琳夫婦、吳奇隆劉詩詩夫婦等就以夫妻名義聯名捐出100萬。

好多香港明星亦有捐款，一眾英皇藝人如容祖兒（Joey）、蔡卓妍（阿Sa）各捐出50萬賑災；陳冠希秦舒培夫婦合共捐50萬、TVB首席創意官王祖藍李亞男夫婦則合捐50萬。

近年喺內地發展嘅李克勤、楊千嬅、鍾欣潼（阿嬌）亦分別捐款30萬人民幣，不過就有網民質疑指：「阿嬌直播打賞小鮮肉都4萬喎！」

其實除咗阿嬌外，唔少明星因為捐款金額而被網民怒轟「捐得太少」，宋茜捐出30萬人民幣都被嫌少，Angelababy同黃曉明分別捐出50萬人民幣同20萬瓶飲用水及1萬支消毒用品。

Angelababy同黃曉明不但無以夫妻名義捐款，更被指「賺咁多捐咁少」，之前有傳Angelababy片酬高達8000萬人民幣，被網民揶揄：「拿著八千萬的片酬，天價婚禮，別人二三線藝人都有人默默無聞捐百萬，她捐個50萬買熱搜掛一天」

同樣被鬧嘅仲有程瀟，佢捐出10萬但就被網民指「一個包包都不止這個數」，程瀟更因此喺微博發文：「捐款，捐也說，不捐也說，捐的少了也說（才捐了這麼點），捐的多了也說（怎麼還沒有上次捐的多），甚麼時候開始用捐款來衡量一個人？捐款不是攀比，每個人盡自己一份心，關注在事件上不好嗎」，不過佢發完後就秒速刪除。

之後佢用自己嘅微博小號「程SUSU大小姐」表達心情：「真是笑吐了」，被網友鬧爆佢「玻璃心」、「活該被罵」，但亦有網友認同程瀟，指捐多捐少都係心意，唔應該「道德綁架」。

圖片來源：微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）