download HolidaySmart 假期日常 app
【香港小姐2021】導師將以四大準則挑選佳麗 師姐陳凱琳:當年增肥係最辛苦!

【香港小姐2021】導師將以四大準則挑選佳麗 師姐陳凱琳:當年增肥係最辛苦!

娛樂新聞
By Stephanie on 27 Jul 2021
Digital Content Writer

《2021香港小姐競選》將於9月舉行決賽,而今屆嘅特別之處就係加入咗真人騷元素!據悉,24位佳麗已經開始到西貢特訓,而8位師姐將會帶領佢哋參與為期10日嘅「Stay Battle」,決定邊個可以留低。

TVBPhoto from TVB

《2021香港小姐競選》嘅準決賽同決賽將分別於8月22日同9月12日舉行,據悉佳麗們已經開始拍攝佢哋嘅真人騷,為咗決賽不停接受特訓。早前,24位港姐就以泳裝現身,不過就發現原來有4位佳麗已經喺訓練期間被淘汰!

TVB娛樂新聞台Photo from TVB娛樂新聞台

今屆港姐嘅特別之處就係會加入真人騷環節,一連8集嘅節目《We Miss Hong Kong STAY-cation晉級賽》將於準決賽前夕播出,等大家可以更了解各位佳麗,而觀眾亦可以從節目中知道部份佳麗被淘汰嘅原因。

東張西望Photo from 東張西望

真人騷喺西貢某間酒店裡面拍攝,由8位師姐分別有曹敏莉、向海嵐、劉倩婷、張嘉兒、朱晨麗、張秀文、馮盈盈同何依婷帶領下分成4組佳麗,陪伴佢哋完成總共10日嘅「Stay Battle」!

TVB娛樂新聞台Photo from 《東張西望》

TVB高層曾志偉同樂易玲就表示今年有4大準則去選擇合適嘅港姐,將會根據佳麗們嘅「美貌」、「智慧」、「品德」、「質素」而決定佢哋嘅去留。而10日嘅「Stay Battle」對佳麗們都係一個好大嘅難關,因為佢哋將要接受唔同嘅挑戰,仲要喺水底拍攝寫真鬥靚!

東張西望Photo from 東張西望

東張西望Photo from 東張西望

為咗令佳麗們可以喺訓練營中有更加全面嘅訓練,TVB亦安排師姐馮盈盈、黃嘉雯、排舞師Herbert等親自去教導佳麗們,並且進行交流。真人騷晉級賽即將到來,8位導師都紛紛爭先搶走「心水」佳麗,導師們都一致認為內外兼備係最重要。

馮盈盈IGPhoto from 馮盈盈IG

而師姐之一嘅馮盈盈就向佳麗們分享自身經驗,鼓勵佢哋「選美就係要堅持,先可以令大家行到最尾。」,而真人騷司儀陳凱琳就話自己一直都好留意港姐嘅資訊,仲話非常看好Sabrina(宋宛穎),認為佢整體表現暫時都非常好!陳凱琳就直言自己當年參選時最辛苦嘅就係要增肥,不過就鼓勵佳麗要把持自信「啲人話我過瘦身型唔好唔吸引,但我都要接受自己,最緊要係對自己要有勇氣。」

陳凱琳IGPhoto from 陳凱琳IG

宋宛穎IGPhoto from 宋宛穎IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel