【東京奧運】陳約臨兒時舊片出土！面色蒼白 雙眼無神 網民：完全認唔出！

代表TVB採訪東京奧運嘅陳約臨（Kelly）可謂近期紅人，佢於周一（26日）訪問奪金後嘅「193劍神」張家朗時花癡上身，失禮表現惹人非議，最終佢於昨晚上傳道歉文到IG。不過，此舉未能平息網民怒火，有人翻出Kelly十多年前嘅主持片段，指佢外表與現時有很大差別。

Photo from TVB

25歲陳約臨畢業於珠海學院新聞與傳播學系，其後成為該學院嘅新傳系兼任講師。佢於2016年代表香港出戰《國際小姐》，並獲選為「亞洲皇后」。

Photo from 珠海學院

Kelly嘅TVB生涯於2017年正式展開，佢大多為大台擔任主持，曾主持過旅遊節目《3日2夜》、時尚生活節目《港生活·港享受》等，佢嘅主持經驗確實係幾豐富嘅。

Photo from 3日2夜 TVB

今期Kelly咁紅，一眾網民都對佢嘅過去充滿好奇，有人翻出佢喺2009年至2010年間參與香港青年協會嘅「小主持訓練計劃」時，擔任電視節目《青年領袖教室》主持嘅片段。

Photo from 青年領袖教室

網民推斷片段中嘅小Kelly大約14歲，Kelly當年眼睛細小無神，同現在化妝後嘅佢有頗大差別，亦有網民指佢左右臉唔對稱。

Photo from 青年領袖教室

Photo from 青年領袖教室

Photo from 青年領袖教室

不過，化妝嘅威力係好強大，其實「小Kelly」嘅輪廓同現時相比無太大分別。其實Kelly都喺上年訪問中表示過自己眼睛小，仲話曾有意「整大啲對眼」。

Photo from 陳約臨 IG

Photo from 陳約臨 IG

但Kelly後來搵到後天方法補救，例如用雙眼皮膠紙，以及戴「大眼仔」隱形眼鏡，令雙眼精靈。佢亦表示過最滿意自己鼻子，因為生得夠高。所以，Kelly嘅「大進化」始乎都要歸功於美妝產品。

Photo from 青年領袖教室

Photo from 陳約臨 IG

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【東京奧運】陳約臨低質訪問遭網民鬧爆 TVB失禮有前科 旁述連名都搞錯！

27 Jul 2021
「193劍神」張家朗昨日為香港奪得首面東京奧運金牌，亦係香港史上第二金。佢於賽後接受媒體訪問，當中TVB記者陳約臨（Kelly）更「迷妹」上身，突然示愛之餘又問人食過乜，又多次打斷家朗發話，被網民批評有失專業。事後，陳約臨雖堅稱提問無問題，但佢疑似受唔住網民轟炸，最終刪除被大量惡評嘅IG帖文。

Photo from TVB

張家朗昨日出戰東奧男子花劍決賽，比賽前，代表TVB前往採訪嘅Kelly已多次拍片記錄自己興奮之情，大讚家朗「佢實在太靚仔、太有型喇！」，又邊跑邊叫Oh my god衝向訪問位置。

Photo from 陳約臨 IG

Photo from 陳約臨 IG

家朗奪金後接受傳媒訪問，未開始前，Kelly已忍不住大叫：「你係香港人驕傲！」，之後更大聲示愛：「我我我...我好鐘意你呀，點算呀？」，家朗有點愕然，但佢仍非常淡定感謝大家。

Photo from TVB

Kelly遂問：「咁你呢一刻攞咗香港第...好耐好耐以嚟第一個金牌...er劍擊第一個金牌，你你你呢一刻嘅心情係點呢？」，家朗則表示對奪冠感到驚訝。當佢解釋自己嘅應賽細節時，Kelly插口：「你點樣做到？由今日8點打到而家，食過啲乜？陣間想做啲乜？」

Photo from TVB

當家朗答謝家人體諒時，Kelly突然插嘴：「襯呢度做緊直播，喺呢度同屋企人講聲多謝呀」，家朗即笑言：「下，好尷尬喎」，更用毛巾抹一額汗，但Kelly仲「繼續上」，稱自己見證家朗勝出時「已經係流淚，直頭要喺觀眾席喊」。此時，其他記者都即時發問，避免讓Kelly無重點又「Lag機」嘅提問霸佔時間。

Photo from TVB

當家朗回答其他問題時，Kelly再次出擊，直言：「我要改口叫你金家朗」，令家朗尷尬非常，多次回應「唔好呀！」，然後·Kelly遂說：「唔得唔得喇，你真係香港人嘅驕傲嚟架，好Proud of you!」

Photo from TVB

當家朗再次抹汗及點頭感謝後，Kelly又指：「頭先做Live，啲香港市民叫我畀個飛吻你，我哋有Social distancing，所以只可以呢家畀你哈哈哈」。

Photo from 陳約臨 IG

Kelly嘅豪放表現遭大批網民指摘，被指有違記者專業，失禮之餘亦破壞咗香港歷史性時刻。亦有網友表示，「唔知點解一聽聲就覺得係TVB記者」、「低質又發姣」。另有網民用其名字「陳約臨」揶揄其採訪質素「真係合『約臨』記喎」。

Photo from 連登評論

Photo from 連登評論

Photo from 連登評論

Photo from 連登評論

Photo from 連登評論

有網民翻查Kelly資料，發現佢畢業於珠海學院新聞與傳播學系，現時亦不時為珠海學院拍攝宣傳片，片中都將佢介紹為「有豐富節目主持經驗」嘅新傳系兼任講師。

Photo from 珠海學院

喺其中一條宣傳片中，Kelly說：「會教大家寫稿同讀稿，希望可以將經驗帶俾大家。」對於佢嘅學歷，網民都感到驚訝：「點grad架？」、「仲以為係普通演員出身」。

Photo from 珠海學院

Photo from 連登評論

Photo from 連登評論

Kelly嘅社交平台都收到好多惡評，佢疑似抵受不住壓力，將原有嘅一個帖文刪除。而另一邊個開電視，就因為邀請香港首名奧運金牌得主李麗珊與張家朗對談，互相分享奪金感受而大獲讚賞，不少網民都認為安排有心思。相比起TVB嘅失禮記者，立即顯出質素高低。

Photo from 有線電視

Photo from 香港開電視

另有網民找回TVB於96年訪問奪金後嘅李麗珊片段，發現訪問途中竟有手機鈴聲響起，於是，當時訪問佢嘅男記者於採訪途中接聽，有損氣氛。網民指，呢個極不專業嘅採訪又係出自TVB手筆，證明TVB質素向來參差。

Photo from HKOlympic YouTube

Photo from 連登評論

其實，TVB表現失禮已有前科。早前，唔少藝人為東京奧運主持已連番出錯，例如陳貝兒將開幕禮講錯成「閉幕」，又錯口將「摩納哥」講成「摩洛哥」，李靄璣指氣槍選手戴住嘅耳罩係「headphone」，令人哭笑不得。

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）