【電子消費券攻略】盤點6款抵買+實用超人氣電子產品/生活家電!

【電子消費券攻略】盤點6款抵買+實用超人氣電子產品/生活家電!

精選購物 網購推薦
By karen.ko on 03 Aug 2021
Digital Editor

大家拎咗電子消費券,梗係要好好計劃點善用!小編左度右度,決定買實用+抵買嘅電子產品!閨蜜最近介紹咗新開嘅家電靈感店ahaa俾我,唔睇尤自可,一睇秒速入坑!入面由至Hit電子產品、生活家電到廚具用品乜都有,接近10,000件產品任你揀,樣樣都想買!即日至9月30日仲做緊感謝祭,用埋優惠碼仲有即時額外折扣?,激賺高達HK$880獎賞回贈!等小編同大家推介喺ahaa搵到嘅心水好物啦!
 
#【HK$1,000-HK$1,999之選】

香港嘅天氣特別潮濕,呢排仲成日落雨,黐笠笠真係令人好唔舒服!呢部Carrier DC25DA 24.5公升抽濕機有自選濕度、智能乾衣、智能抽濕同連續除濕4種操作模式,配埋四合一冷觸媒防蟎蟲維他命C防塵過濾網,仲可以持續釋放負離子淨化空氣!一邊抽濕一邊淨化,有佢看門口就放心晒!

 

Weekend想宅喺屋企又想歎咖啡,De’Longhi EC685半自動咖啡機就幫到你!闊度只有15厘米,夠晒慳位,Flow Stop功能方便你自設咖啡份量,配備埋可調較嘅高壓蒸氣系統,快速加熱只需40秒,整埋奶泡好Easy!天氣咁熱,小編就提議大家加埋雲呢拿雪糕,整返杯Affogato啦~

 

想食脆口嘢但又怕太油膩,用氣炸鍋的確係唔錯嘅選擇。Philips HD9743/11 Premium健康空氣炸鍋擁有全新Twin TurboStar高速熱空氣循環技術只需用少少油,甚至唔用油,就可以整到大家至愛嘅煎炸菜式!個名有「健康」兩個字最犀利就係佢嘅全新脂肪脫離技術,可迫出同收集食物中嘅脂肪,將油脂收集在炸鍋底部嘅油脂清除配件內,大大減少食物脂肪含量,以健康嘅方式炮製脆卜卜嘅美食!

 

#【HK$2,000-HK$2,999之選】

講到內外兼備嘅藍牙喇叭,小編一定會推薦Marshall Stanmore II藍芽喇叭,配備2個15 Watts D類擴大器,以及一個50瓦 D類擴大器推動低音單元,意思係就算推到最高音量,都能保持乾淨利落嘅音色。呢款喇叭支援5.0藍牙同aptX™格式,加上上面面板嘅旋轉鈕可以調整低音、高音同音量,等你可以將音樂細調至個人喜好,好好享受有立體聲嘅原音體驗。

 

Anker Nebula Capsule M1 Pro投影機嘅大細同汽水罐差唔多,Cute得嚟又慳位!佢集投影機同藍芽喇叭於一身,具有DPL數位投影功能,最大可投射出100吋畫面,可以喺屋企打造自己嘅Home Theatre!而機身設有HDMI插頭,可連接遊戲機,又可以將手提電話嘅畫面同步播出~真係超好用!

 

#【HK$3,000-HK$3,999之選】

TOSHIBA ER-ND300HK 30公升蒸氣烤焗水波爐簡直就係懶人必備!除咗有-10°C至90°C解凍及加熱功能之外,仲具備過熱水蒸氣烹調、熱風對流炸.焗、發酵、燒烤、蒸氣烹調同微波6種功能,更內置43種自動烹調模式,跟住食譜準備食材,撳個掣就煮出唔同菜式,非常方便!

 

#趁感謝祭入手!激賺高達HK$880獎賞回贈!

即日至9月30日,ahaa將軍澳Monterey Place同金鐘海富中心門市,以及網店同步做緊感謝祭!購物滿指定金額,輸入以指定優惠碼,即享額外折扣,最高15%折扣優惠㗎!

 

#用埋電子消費券真係超抵!

大家喺ahaa網購可以經支付寶AlipayHK、微信支付WeChat Pay HK或Tap & Go拍住賞用消費券俾錢,尾數就會以帳戶內嘅餘額支付。而嚟緊大家好快可以用八達通支付,但提提大家,只可以喺門市使用喔!小編仲有個隱藏秘技要同大家分享,就係去ahaa兩間門市買嘢可以將大額電子產品拆單,或以訂金方式,等埋第2或第3期電子消費券發放之後,再用消費券俾錢~未做會員嘅你記得快啲登記,新會員有HK$50迎新優惠㗎~加加埋埋真係超抵呀!而家就立即叫埋好友去ahaa Shopping啦!
 
ahaa網店:https://bit.ly/3zR7LOf
門市地址:
將軍澳唐俊街23號Monterey Place地庫B01 & B02號舖
金鐘夏愨道18號海富中心第一座地下1-41號B舖

 

Text: HolidaySmart editorial
Photo Source: ahaa
Featured For: ahaa

**本文章的圖片均經其本人或其公司授權,其他媒體不得轉載

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel