【東京奧運】男友傳睇奧運照報行蹤 被女友揭出軌！藏2大穿崩位 強大觀察力震驚百萬網民

情侶關係講求忠誠，即使偷情亦不應張揚。最近，有外國女網民上傳影片，指男友早前分享與兄弟一齊睇東京奧運賽事相片，以「報告行蹤」。但係，女事主發揮強大觀察力，發現相片有兩大出軌破綻，最後同男友攤牌！

Photo from 單戀雙城 TVB

最近，一名叫Megan Marie嘅女網民上載TikTok影片，表示佢早前經短訊問男友做緊乜，男友回覆：「我正同班兄弟一齊睇奧運，聽日見」，男友同時分享一張喺客廳睇電視照片。

Photo from @callhermeganmarie TikTok

相片中，可見正播放奧運賽事嘅電視螢幕被安裝在白色牆上，下方擺放了一個鏡面電視櫃，接近鏡頭位置有一張透明茶几，上面放了個花瓶，一切看似平常。

Photo from @callhermeganmarie TikTok

然而，Megan未有立即相信男友，佢仔細觀察相片內環境與擺設，猶如名偵探柯南上身，最後挖出兩大出軌破綻！

Photo from 網上討論區截圖

兩大疑點分別位於電視櫃上嘅鏡面，及櫃上物品。首先，鏡面疑似反射咗一名女子盤腿而坐，而穿牛仔褲男友則坐喺旁邊。此情況同男友所說嘅「同兄弟們一齊睇奧運」有別。

Photo from @callhermeganmarie TikTok

Photo from @callhermeganmarie TikTok

除此以外，電視櫃上亦擺放了有關Chanel品牌歷史書籍，事主認為佢係較女性向嘅閱物，同「一班兄弟睇電視」嘅情景不太相襯，令事主大起疑心。

Photo from @callhermeganmarie TikTok

最後，Megan同男友攤牌，稱事件不久後已和男友分手。而佢嘅強大觀察力亦令大批網民拍案叫絕、嘖嘖稱奇，影片至今已累積超過300萬觀看人次。

Photo from 單戀雙城 TVB

有人笑言「點解出軌者總係會自爆？」、「我隔住個Mon都聽到男友嘅藉口了」、「偷食仲要自拍證明自己有罪，哈哈」。不過，亦有網民質疑相中另一人會否只係男友兄弟嘅另一半，Megan則回應：「呢幅相已告訴了所有我需要知道嘅事。我額頭寫住白癡嗎？」

Photo from 談情說案 TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）