【東京奧運】中國肖若騰失落體操全能金牌惹全國不滿！藝人微博鬧爆裁判

時事熱話娛樂新聞

By Jennifer on 29 Jul 2021

Digital Editor

東京奧運男子個人全能體操比賽完滿結束，日本代表橋本大輝奪得金牌，中國選手肖若騰奪得銀牌，中國網友鬧爆裁判不公，連多位藝人都喺微博發文表達不滿，包括黃子韜、影后惠英紅都有出聲。

Photo from TVB

中國肖若騰同日本橋本大輝都係男子個人全能體操大熱人馬，比賽期間肖若騰一度領先，但喺最後一個項目單槓中橋本大輝以超高分數逆轉奪得金牌。

Photo from TVB

事後唔少中國網民替肖若騰感不值，原因係喺跳馬項目中，肖若騰同橋本大輝動作難度系數相同，肖若騰落地小踏前一小步所得嘅分數為14.700分，而橋本大輝落地時明顯一腳踏出墊外，得分都一樣係14.700分，中國網民指裁判對日本運動員「畀分鬆手」。

Photo from TVB

另外喺單槓中肖若騰動作完成得頗為完美，但最終只得14.066分。雖然中國向裁判提出異議但不獲通過。令唔少網民質疑裁判偏心東道主，評分有所不公。雖然有指係因為肖若騰落地後未有向裁判敬禮而被扣0.3分，但仍未能平息網民怒火。

Photo from TVB

有中國網民喺Instagram、Twitter發文指日本金牌嚟得唔光彩，更tag埋橋本大輝。

Photo from 橋本大輝IG

連藝人都深感不忿，喺微博發文力撐肖若騰。黃子韜直言：「這都甚麼玩意兒c，選擇性眼瞎！」、出演過《守護神之保險調查》嘅內地女星徐冬冬指：「這高分動作是認真的嗎？原來高分動作只需要一隻腳，另一隻腳哪怕跨到太平洋也沒關係。」

Photo from 黃子韜微博

Photo from 徐冬冬微博

《陳情令》女星宣璐更大怒直指：「體操看的上火，太惡心了，太惡心了！」，影后惠英紅近日主演嘅電視劇《刑偵日記》收視不佳，但佢未有受影響，喺微博發文：「肖若騰，東京奧運會體操男子個人全能冠軍！不接受反駁。」

Photo from 宣璐微博

Photo from 惠英紅微博

日本體操教練隊教練水鳥壽思喺Twitter表示如果真係有主辦國得分會有利嘅情況出現，男子團體全能體操賽日本就唔會以0.103分嘅差距落敗。而肖若騰亦有發微博感謝網民支持：「運動員都是很棒的，為了自己的目標而努力，很勵志！」

Photo from 水鳥壽思Twitter

Photo from TVB

Photo from 肖若騰微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【東京奧運】日本混雙乒乓球選手被內地網民大罵　就連日本男星都遭受牽連？！

29 Jul 2021

東京奧運嘅比賽正進行得如火如荼，成為大家最近嘅熱話。日前，中國就同日本隊伍進行咗乒乓球混雙決賽，然而兩位日本選手竟然被內地嘅網民鬧爆？！而另一位日本男星古川雄輝亦因為喺比賽期間發微博，而被內地網民大罵！

Photo from 奧運

東京奧運比賽正在進行中，部分賽事已經分出勝負。早前，中國隊伍就同日本隊伍進行乒乓球混雙決賽，戰況十分激烈。最終，由日本隊伍水谷隼同伊藤美誠以4:3局數拿下金牌，亦係日本於乒乓球賽事嘅第一金！

Photo from Steph Chambers Twitter

不過呢個賽果就引起內地網民嘅不滿，紛紛去日本選手嘅社交媒體下留言責怪佢哋。有內地網民認為兩位日本選手都於比賽期間做出違規行為，包括：用口吹乒乓球、觸摸球桌等，質疑比賽嘅公平性！仲有內地網民認為患有眼疾嘅水谷隼當時配戴嘅特質眼鏡係「減速鏡片」，所以先會勝出比賽。

Photo from 奧運直播

後來，有人解釋水谷隼因為幾年前罹患眼疾，所以眼睛畏光，有光線嘅時候唔能夠清楚望到球嘅動向，必須配戴特殊眼鏡先可以比賽。而佢亦於Twitter表示雖然收到好多嘅批評，但並冇因此而影響到心情，反而為自己可以喺世界各地引起熱議而開心！

Photo from 水谷隼Twitter

而日本男星古川雄輝亦因為今次嘅比賽而遭殃？佢就於乒乓球混雙決賽進行期間同粉絲互動，以英文詢問「大家有冇睇奧運？」。不過當時中國隊伍嘅分數正落後於日本，因此唔少網民就覺得佢嘅行為非常具挑釁意味，引來網民嘅責罵。後來，佢又再發咗一條微博表示「我只係問有冇睇奧運，就有人要我閉嘴，真係好令人難過。」，令內地網民更加憤怒叫佢「滾出中國」！