【東京奧運】黃曉明表妹於東奧奪得乒乓球女單金牌！　原來連詩雅表妹都曾經參加過奧運？

東京奧運正在舉行中，唔少運動員都將自己嘅實力盡情咁展現出嚟～有網民就發現中國乒乓球隊嘅陳夢竟然係黃曉明嘅表妹，而兩人嘅關係亦非常友好，令唔少內地網民都直呼「家族基因真優良」！

Photo from 黃曉明微博

東京奧運嘅賽事最近成為咗大家嘅熱話，而早前嘅乒乓球女單決賽亦係大家嘅焦點賽事之一，中國隊雙雙進入決賽，最終由陳夢以4:2戰勝孫穎莎。然而，有網民就發現原來陳夢，竟然係黃曉明嘅表妹，令網民非常驚訝！

Photo from 陳夢微博

早前，黃曉明就喺微博上載咗自己用手機觀看乒乓球決賽直播嘅畫面，留言話「陳夢的表哥在家準備接風菜中 ​​​​」，令大家更加確定兩人嘅表兄妹關係！有網民仲搞笑咁留言話「現在變你在蹭表妹熱度」，而佢亦幽默回覆「終究是我高攀了」。

Photo from 黃曉明微博

Photo from 黃曉明微博

其實兩人嘅表兄妹關係都並非秘密，過往佢哋都有喺微博上有互動，十分親密。陳夢亦曾經表示自己嘅偶像係黃曉明，仲立志以後要名氣比佢高，因為每次其他人以「黃曉明表妹」稱呼佢時，都令佢心裏有啲唔舒服！

Photo from 微博

Photo from 陳夢微博

而陳夢勝出比賽後接受訪問時，就話黃曉明鼓勵佢，話「在拍戲現場也會看我的比賽，給我加油！」，可以睇得出兩人關係的確唔錯～

Photo from 陳夢微博

Photo from 黃曉明微博

除咗黃曉明之外，何詩蓓嘅泳壇好友江忞懿（Yvette）其實係連詩雅嘅表妹！佢哋曾經話由於兩人年紀相差5年，所以小時候並非經常一齊玩，不過兩人嘅關係依然十分好，會關心大家近況。

Photo from 江忞懿IG

Photo from 連詩雅IG

現年28歲嘅江忞懿擅長蛙泳，被大家稱為「蛙后」，曾創下多個游泳嘅紀錄。佢曾出戰2016年里約奧運100米蛙泳，不過今年佢就放棄咗角逐東京奧運嘅資格。儘管江忞懿並冇參賽，不過佢依然非常關注體壇嘅消息，仲為香港開電視擔任首任評述員。

Photo from 江忞懿IG

Photo from 江忞懿IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）