【東京奧運】小S撐台選手遭內地品牌割蓆 媽媽求情 罵戰波及蔡依林？！

台灣藝人徐熙娣（小S）近排好投入收看東京奧運，繼早前笑言台灣體操手洪源禧同佢女兒撞樣，之後又興奮喺IG為多名台灣選手打氣。但此舉卻令一眾微博網民罵佢係台獨分子，不少內地品牌更宣佈終止合作，而有關風波更開始波及蔡依林。

Photo from 小S 微博

近年常在內地發展嘅台灣藝人徐熙娣（小S）最近頻頻喺IG上載有關東京奧運嘅帖文，早前佢笑指三女兒跟台灣體操手洪源禧撞樣，仲搞笑「認子」。

Photo from 小S IG

Photo from 小S IG

之後，佢又多番發文為不同台灣選手打氣，最新帖文則為羽毛球手戴資穎加油，更肉緊到「差點暴斃」。

Photo from 小S IG

Photo from 小S IG

但有內地網民不滿小S喺微博對奧運及內地選手隻字不提，亦有人不滿佢喺IG留言提及丈夫對台灣健兒說「要請國手吃飯」，引嚟大批人湧入小S IG大罵佢一邊到內地賺錢，一邊宣揚台獨，「你也太卑微了吧，原來心口不一想吃兩家飯」。

Photo from 小S IG評論

事件至今，至少三個內地品牌，與一個由小S大女兒許曦文代言嘅品牌宣布終止合作，估計喪失至少800萬港元。有報道指小S接受台灣傳媒訪問時無奈回覆：「先讓我靜一靜好嗎？」

Photo from 微博截圖

Photo from 大人糖 微博

小S媽媽亦有向台灣傳媒發聲，佢指事情發展超出小S預期，佢現時好沮喪。小S媽亦認為女兒今次睇奧運過於熱情和瘋狂，稱已教訓過小S，又代女兒求各界手下留情：「小S拜託廠商和網友不要封殺她，小S也希望廠商不要因為這個風波影響商品的銷售量。」

Photo from 小S 微博

小S奧運風波未平息已有蔓延趨勢，台灣歌手蔡依林都有喺FB為台灣羽毛球手戴資穎打氣，引嚟內地網民留言批評，但亦有人為蔡依林護航，反駁指佢早前有關心中國，為鄭州祈禱。

Photo from 蔡依林 Jolin Tsai《Mr.Q》(feat.徐熙娣 小S)

Photo from 蔡依林 FB

Photo from 蔡依林 FB評論

Photo from 蔡依林 微博

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）