download HolidaySmart 假期日常 app
薛影儀有贊助成亞視最多工作藝人 拍片似被挾持 開Live唱歌救亞視!

薛影儀有贊助成亞視最多工作藝人 拍片似被挾持 開Live唱歌救亞視!

娛樂新聞
By Cheryl on 04 Aug 2021
Digital Editor

薛影儀早前參加ATV《亞洲小姐競選2021》一炮而紅,雖然佢未能晉級,但憑住自信及獨特氣質贏得人氣。有見及此,ATV立即讓阿儀簽約成旗下藝人。另外,更有品牌送贈燕窩花膠畀阿儀試食,佢IG亦有上載開箱影片,引起熱議。

薛影儀 IGPhoto from 薛影儀 IG

有份參與《亞洲小姐競選2021》首輪面試嘅17號佳麗薛影儀雖然無緣晉級,但獲大批網民支持,繼而獲得亞視高層賞識,簽約成旗下藝人,亦為佢開設了IG專頁,短短4天已吸納超過一萬三千名追蹤者,真係人氣高企。

ATVPhoto from ATV

昨日,阿儀IG上載了一條影片,片中,佢喺女主持帶領下為一個燉品品牌進行開箱試食。該品牌對影儀好有興趣,除咗送贈燕窩及花膠外,仲寫咗張心意卡畀佢。

薛影儀 IGPhoto from 薛影儀 IG

薛影儀 IGPhoto from 薛影儀 IG

影片首先由女主持作簡介,又問阿儀對於有人請食燉品開唔開心,阿儀則以招牌Lag機方式回應:「開...開心」。除此,阿儀表情都一如以往地呆滯,但同時對拍攝非常專注,拿起燕窩時都好落力嘗試介紹:「呢個係燕窩啦,入面都好似有啲木瓜喺度。」

薛影儀 IGPhoto from 薛影儀 IG

之後,阿儀便分別試食燕窩及花膠,佢嘅評語都係:「Eh都幾好味呀。」之後,主持透露阿儀平常都愛烹飪同食嘢,最後亦請佢同觀眾講再見。

薛影儀 IGPhoto from 薛影儀 IG

影片引嚟熱議,不少網民都對阿儀表達支持,更有粉絲留言,指佢食相猶如天上神仙,只有燕窩及花膠先配得上阿儀。

IG評論Photo from IG評論

但亦有唔少網民覺得影片詭異,有感阿儀被公司當做扯線公仔,「阿儀,如果你被挾持,請同大家講」、「如果你係畀人控制住嘅話下次就着粉紅色衫!」

IG評論Photo from IG評論

IG評論Photo from IG評論

IG評論Photo from IG評論

另外,阿儀日前亦首度開音樂Live大展歌喉,當晚佢喺主持兼琴師李昊昕伴奏下唱了多首歌曲,包括《聲夢傳奇》主題曲《造夢時學會飛行》。雖然經常唔啱Beat,但仍獲一眾粉絲愛戴,更有聽眾被佢感動,「佢不停唱錯歌詞係想表現出社會好多不公事,佢好勇於發聲對抗」、「阿儀不紅、天理不容」。而李昊昕能夠集中精神,無被阿儀歌聲影響,都被網民讚賞專業。

ATVPhoto from ATV

ATVPhoto from ATV

ATV FBPhoto from ATV FB

影儀圈粉無數,有人已為佢開設首個國際後援會,命名「影子軍團」,又以偶像為中心,創作出一系列Meme,唔怪得有人預測將會有「阿儀導致婚姻破裂群組」出現。

holy_sit_da_queen @IGPhoto from holy_sit_da_queen @IG

holy_sit_da_queen @IGPhoto from holy_sit_da_queen @IG

IG評論Photo from IG評論

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【亞洲小姐2021】落選佳麗37歲A0薛影儀愛睇TVB「岑麗香都同我咁大」享受單身不強求姻緣

30 July 2021

亞洲小姐競選2021》日前公佈18位入圍佳麗名單,面試當日(26日)引人注目嘅37歲A0佳麗薛影儀最終落選。不過,ATV昨日在YouTube上載佢嘅受訪片段,畀觀眾了解影儀嘅內心想法!

ATV FBPhoto from ATV FB

今年嘅《亞洲小姐競選》首輪面試已完結,雖然薛影儀未能入圍,但ATV昨日於YouTube上載一段名為「薛影儀專訪『真情告白』!」影片。片中,影儀穿著一件貓貓上衣,坐喺室外接受大約十分鐘訪問。同面試當日一樣,佢眼神顯得對鏡頭陌生、對答亦不流暢。

ATVPhoto from ATV

被問到為何報名參賽,影儀指:「今年年齡放寬,所以想把握機會試下。」佢承認自己係《亞洲小姐競選》嘅捧場客。被問喺上屆比賽中邊位亞姐最漂亮,人選包括:蔡小蝶、何雙妍等,影儀回應:「個個都靚。」

ATVPhoto from ATV

影儀稱面試當日要面對大眾表演都頗為緊張,亦有點尷尬。佢話當日係人生首次踏入電視城,見到不少藝員。佢亦同其他佳麗交換了聯絡方法,表示好開心識到新朋友。

ATVPhoto from ATV

對於有無被賽後嘅廣泛報道「嚇親」,影儀表示:「都OK,但唔知點解當日進行咗三次訪問,而有其他佳麗則只需受訪一次。」而佢嘅親朋戚友都有睇報道,被問到朋友對佢當日自稱「皮膚白、身形好」有無意見時,影儀只說:「佢哋都覺得我參加『亞姐』好夠膽。」

ATVPhoto from ATV

同媽媽及弟弟同住嘅影儀稱,媽媽事前並不知道佢參賽一事!不過,兩人對佢參賽都無咩意見。影片中,主持問及A0一事,影儀認為,拍拖好講緣分,有啲人包括自己也認為單身很舒適,而且拍拖及結婚洗費大,家人亦無催婚。

ATVPhoto from ATV

影儀於十多年前任職社區工作,之後做過待應,不過早前因不戴口罩而暫停工作。現時待業嘅佢多咗時間睇電視,TVB節目《THINK BIG天地》和《東張西望》都係佢喜愛節目之一,因為學到知識。除此,影儀仲話自己鐘意睇劇集《寶寶大過天》,「個細路女好得意,岑麗香都係同我咁大。」由此可見,影儀係一名忠實TVB粉絲。

岑麗香 FBPhoto from 岑麗香 FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel