download HolidaySmart 假期日常 app
鄺潔楹自爆中學黑歷史 惹整容疑雲 傳授自家秘訣:「我個鼻係捏出嚟!」

鄺潔楹自爆中學黑歷史 惹整容疑雲 傳授自家秘訣:「我個鼻係捏出嚟!」

娛樂新聞
By Stephanie on 06 Aug 2021
Digital Content Writer

鄺潔楹(Judy)憑住飾演《愛·回家之開心速遞》大學女神一角,而為人熟悉。最近,佢就拍片公開以前嘅舊照,將黑歷史大公開,亦因此而令網民覺得佢有整容嘅嫌疑!然而,佢出席活動嘅時候就否認傳聞,話自己只不過係「用手捏高個鼻」!

 鄺潔楹IGPhoto from 鄺潔楹IG

鄺潔楹(Judy)以娛樂新聞報導員入行,後來轉型做主持人,仲因為甜美嘅外表而獲得「仙氣女神」嘅稱號!人氣都算頗高嘅佢,最近備受力捧,有份出演多部電視劇,包括有《十月初五的月光》、《七公主》等。

 鄺潔楹IGPhoto from 鄺潔楹IG

 鄺潔楹IGPhoto from 鄺潔楹IG

最近,鄺潔楹就拍攝影片公開自己以前嘅黑歷史,佢公開咗17歲時喺美國讀書嘅照片,當時嘅佢身高155cm體重120磅,同而家的確有啲出入!相中嘅佢化咗濃妝、箍緊牙,睇落仲好似有少少混血兒feel。佢直言覺得自己最大嘅改變係個鼻,覺得箍牙嘅效果的確可以令人覺得好似整咗容咁!

鄺潔楹YouTubePhoto from 鄺潔楹YouTube

鄺潔楹YouTubePhoto from 鄺潔楹YouTube

鄺潔楹亦補充成功減肥30磅,的確亦令佢五官嘅輪廓更加明顯。而中學時期嘅佢為咗融入當地文化,專登化濃妝,仲會同朋友一齊佢曬燈,所以當時嘅佢皮膚就變得比較黝黑。後來返咗香港之後,成個妝容就即刻變返亞洲風格。

鄺潔楹YouTubePhoto from 鄺潔楹YouTube

鄺潔楹YouTubePhoto from 鄺潔楹YouTube

而最近鄺潔楹喺出席電視劇《七公主》嘅宣傳活動時,就再次被問到有關整容嘅傳聞。佢就向大家表示「呢幾年慢慢瘦落嚟,我可以證明鼻真係可以捏出嚟嘅!」,其實佢喺影片中就有講過自己由11歲就開始捏個鼻,再加埋減肥就達致而家嘅效果,非常神奇~

娛樂新聞台Photo from 娛樂新聞台

除咗拍戲之外,鄺潔楹近排亦忙於為自己嘅個人甜品品牌做宣傳,晉升為老闆娘! 佢表示自己已經籌備咗呢們生意幾個月,而品牌暫時就係主打售賣曲奇。由佢IG所見,平時佢就已經好鍾意整甜品,亦經常將自己嘅成品同大家分享~

 鄺潔楹IGPhoto from 鄺潔楹IG

 鄺潔楹IGPhoto from 鄺潔楹IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

 

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel