download HolidaySmart 假期日常 app
蔚雨芯超豪華獨立屋內部大公開! 澄清:富貴生活並非靠男人

蔚雨芯超豪華獨立屋內部大公開! 澄清:富貴生活並非靠男人

娛樂新聞
By Stephanie on 09 Aug 2021
Digital Content Writer

現年28歲嘅蔚雨芯(Rainky)曾被爆同大馬千億富二代嘅戀情,仲被指交往後就突然富貴,就連住所都變成一間擁有私人泳池嘅獨立屋!不過,最近佢接受傳媒訪問時,否認傳聞表示而家所擁有嘅嘢都係家人俾佢嘅,而並非傳聞所講嘅男友贈送。

蔚雨芯IGPhoto from 蔚雨芯IG

蔚雨芯(Rainky)小時候參加才藝表演嘅時候就被星探發掘,並成為Yes Model,2007年參加《Yes!》校花校草選舉。後來,佢亦有參加《2011年度香港小姐競選》,不過於20強嘅時候就被淘汰,但就以歌手身份入行。

蔚雨芯IGPhoto from 蔚雨芯IG

雖然至今蔚雨芯已經入行10年,不過演藝事業嘅發展就一直平平無奇,幕前嘅機會亦不多,令大家都對佢冇特別印象。近年,佢就開始發展自己嘅美容事業做老闆娘,生意好似都唔錯,仲有一個幾千呎嘅辦公室㗎!

蔚雨芯IGPhoto from 蔚雨芯IG

除此之外,蔚雨芯曾被爆戀上大馬千億富二代,引起網民嘅關注。自從榮升做老闆娘後,佢嘅生活就開始變得越來越富貴,搬咗去獨立屋居住。而佢就經常喺IG上載日常嘅照片,將自己嘅豪宅大公開!

蔚雨芯IGPhoto from 蔚雨芯IG

蔚雨芯IGPhoto from 蔚雨芯IG

蔚雨芯嘅獨立屋就以白色簡約為主,面積非常寬闊,仲經常邀請朋友去屋企作客!熱愛運動嘅佢亦喺屋內設置瑜珈專區,等自己就算足不出戶都可以保持完美身材,就咁睇位置非常大,仲可以邀請朋友一齊做瑜珈都得~

蔚雨芯IGPhoto from 蔚雨芯IG

蔚雨芯IGPhoto from 蔚雨芯IG

炎炎夏日,佢亦經常喺私家泳池影相,穿上泳裝大晒好身材。另外,佢都成日邀請親友去屋企開泳池派對,一邊飲香檳一邊晒日光浴,非常寫意!而佢嘅主人房裡面就有一個超大嘅衣帽間,當中有一個放滿名牌手袋嘅櫃,大部份都係 Hermès 手袋,仲有LV、Chanel 同 Gucci 等手袋,保守估計所有手袋總值過百萬咁多!

蔚雨芯IGPhoto from 蔚雨芯IG

蔚雨芯IGPhoto from 蔚雨芯IG

據悉,蔚雨芯2018年因為莊思敏嘅介紹下,於活動認識大馬富二代男友,有傳男友家族資產高達千億,而男友嘅父親仲擁有「丹斯里」銜頭。不過,佢就非常保護男友隱私,對戀情絕口不提。有傳聞就話呢位大馬男友十分疼愛蔚雨芯,打本俾佢做美容生意,等佢可以輕輕鬆鬆做老闆娘!

蔚雨芯IGPhoto from 蔚雨芯IG

最近,蔚雨芯喺接受傳媒訪問時就回應傳聞,表示與大馬男友已經分手,話自己全部嘢都係家人給予嘅!雖然外界之前一直盛傳佢係公屋出身,不過亦有傳聞話其實佢家境一直富裕,父母曾經營旅遊巴生意,退休後亦有投資物業。

蔚雨芯IGPhoto from 蔚雨芯IG

另一方面,從事美容事業嘅佢久緊係十分在意自己嘅外貌儀容啦~同剛剛出道時期嘅佢相比,而家嘅樣貌的確係比較精緻,五官輪廓亦變得更加深邃,令唔少網民覺得連佢嘅外貌都升級咗,表示「真係認唔出佢啊」!

蔚雨芯 《Missing you》MVPhoto from 蔚雨芯 《Missing you》MV

蔚雨芯IGPhoto from 蔚雨芯IG

 

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel