應屆畢業生見工叫價18k被指「獅子開大口」！太自信自大 vs 叫高啲預咗畀人壓

時事熱話

By Jennifer on 09 Aug 2021

Digital Editor

大學畢業搵工做好多時無乜經驗，填「Expected Salary」可能會同市價有出入。有網民喺討論區指時下大學畢業生無咩工作經驗但起薪點都寫勁高，形容係「獅子開大口」。

Photo from TVB

應屆畢業生見工時被問到薪金可能都唔知應該點答，講太低又驚蝕，講太高又怕HR唔肯請。近日喺討論區「親子王國」就有網民以「覺唔覺依家啲fresh grad起薪點寫勁高」為題出post。

Photo from TVB

樓主表示好多大學、大專畢業生，非專業範疇，做普通office文職好多工作經驗，叫價「獅子開大口」。由於樓主無講明做咩行業，同畢業生究竟嗌幾高，有網民就認為「叫太低無人請」。

Photo from TVB

Photo from 親子王國

樓主之後補充指：「從朋友口中得知，好多零工作經驗、非三大（港大、中大、科大畢業），寫18/19k」，佢表示聽聞好多無相關工作經驗嘅fresh grad都叫價去到萬尾，直言：「好誇張」。

Photo from TVB

有部分畢業生人工寫兩萬以上，樓主指Officer都未必去到呢啲人工：「如果唔係專業技能，例如會計嗰啲，真係唔知那裏來的自信寫呢個價」，佢自言平時有睇開salary check，好多人做咗幾年、有經驗，人工先上到$2萬，見到啲fresh grad一嚟就寫萬尾：「真係話佢自信定自大好」

Photo from TVB

有網友認同樓主，指依家啲應屆畢業生個價開到好高，咩經驗都無，assistant都開價19k：「自高自大。。。而家唔會揀呢d人黎in，費事浪費自己時間。。。」，有人就表示「宜家真係通街都係大學生，唔覺得大學生（非專業）有咩咁吃香」

Photo from 親子王國

有疑似HR嘅網友就直言如果有求職者開到16k佢一定唔會見：「而家後生，俾到15我都嫌多，交5到13K的功課。」，亦有網友表示：「唔怪之得聽到班fresg grad 話搵廿幾份工都搵唔到」

Photo from 親子王國

不過都有唔少網友認為叫價18～19k唔算好高，因為預咗HR會壓價，而且啱啱畢業，唔知市價都好正常：「叫高咗自然被調節」，但有網友回覆指叫咁高interview都唔會有。

Photo from 親子王國

另外有網民表示好多公司請人時都無寫明薪金範圍，所以求職者覺得自己值幾多咪寫幾多：「你情我願，覺得高咪唔好見囉」、「都係公司自己決定見唔見」。

Photo from 親子王國

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

應屆畢業生面試傾人工狂加價！有Offer後再要求加人工！網友：畀我係HR即刻唔請

9 Jul 2021

見工時通常都會寫「Expected Salary」，不過HR多數都會壓價。最近喺討論區有應屆畢業生指自己面試後收到offer，但就想再向公司要求加人工，被網友直指佢為人「麻煩」。

Photo from TVB

有網友喺連登討論區開post「fresh grad收到offer 但send左加人工email」，樓主表示自己係應屆畢業生，佢去咗一間員工約有50人嘅細公司面試。

Photo from TVB

面試一共有兩round，兩次都係老闆負責見，首先第一次面試樓主指佢想對方快啲請佢，於是Expected Salary叫15k。

Photo from TVB

後來佢成功入到second in，佢再見老闆指「更正」指係16k先啱。見咗兩次後佢收到email offer，HR開價畀15.5k樓主。

Photo from TVB

樓主話：「然後我就send左封email表示我accept offer但想加1000人工。」，佢指封email寫得比較長，佢用咗salary average做比較，話市價值16k～20k，然後佢提議人工上調$1,000，要16.5k。

Photo from TVB

不過email send出後24小時都無收到回覆，樓主就十分擔心：「依家驚對方會扮睇唔到我email，然後直接放棄我。」，樓主指自己有喺email強調好想喺呢間公司到做，佢表示最想做呢間，無其他公司做後備，即使最後公司唔肯加到16.5k，佢都仍然想做呢間公司，於是開post請教網友下一步應該點做好。