download HolidaySmart 假期日常 app
港男因女友月入10萬而感到自卑 網民:所有男人終極目標!

港男因女友月入10萬而感到自卑 網民:所有男人終極目標!

生活熱話
By Stephanie on 09 Aug 2021
Digital Content Writer

唔少自尊心比較強嘅男生都會認為收入必須比女友高,能夠養活女友先可以。最近,有位港男就表示因為女友嘅人工比佢高好多倍,而令佢壓力非常大,喺討論區向網民們訴苦!

TVBPhoto from TVB

唔少男生都希望自己嘅工作收入可以比女友高,認為咁樣先可以證明自己都有能力養活女友,然而現實中其實有唔少女生收入比較高嘅例子。日前,有位港男就表示因為女友嘅人工比佢高好多,而導致佢覺得有啲自卑!

連登討論區Photo from 連登討論區

港男同女友係因為父親朋友介紹下認識,女友比佢細4年,鍾意港男夠誠實、感情專一同愛惜佢,而佢表示同女友嘅價值觀等現時都非常相近,所以大家相處嘅時候都幾舒服。不過佢就透露其實兩人嘅家庭背景都有啲唔同,女友嘅父親係醫生,屋企有2層樓;但自己就只係同家人租樓住,令佢不近覺得好似高攀唔起女友咁!

 

TVBPhoto from TVB

港男現時任職證券行交易員,月入大概2萬;而女友就係iBanker,月入足足有10萬!佢覺得兩人嘅事業前景都相差好遠,因為聽其他網民講iBanker隨住工作嘅年資會繼續增加,過多幾年只會差距越來越大,而港男亦好灰心咁表示「就算今世幾努力,都可能冇女友嘅一半」。

TVBPhoto from TVB

雖然女友表示佢並唔介意男友人工比佢少,但佢覺得好過意唔去,再加上因為俾其他人話佢「食軟飯」而感到更加自卑,所以就喺討論區詢問網民對於「女友比自己人工高」嘅睇法。

TVBPhoto from TVB

大部份網民都認為港男唔應該咁諗,既然女友都話唔介意人工上嘅差異,就唔應該在胡思亂想;而網民就鼓勵港男,認為佢女友一定係因為覺得佢有可取之處先會同佢一齊,覺得港男現階段就應該好好增值自己!

連登討論區Photo from 連登討論區

連登討論區Photo from 連登討論區

另一方面,部份網民就表示自己同港男有一樣嘅煩惱,女友都同樣係iBanker,令佢壓力非常大。即使想盡辦法佢增加自己嘅競爭力,但都好似會「一直被女友食住咁」。

連登討論區Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel