荃灣美食｜荃灣$32香辣蝦米炒腸粉！街坊推介戲棚蠔餅+炸燒賣

Reporter/ Anchor

今次為大家推介位於荃灣的「蠔得喜」，開店多年深受一眾街坊歡迎，小店主打即炸蠔餅、香爆蝦米腸、炸燒賣等等，一到周末更大排長龍，下次經過荃灣想掃街醫肚，不妨一試！

荃灣一向是掃街小食天堂，周末時更有不少區外人特意到路德圍一帶捐窿捐罅覓食，今次為大家推介的「蠔得喜」與大街有一段距離，雖然舖頭位於人流不高小巷，但人氣依然不減！

Photo from PressLogic

以往每逢真君誕及天后誕，青衣都會搭戲棚辦廟會，當中一檔人氣攤檔以即煎蠔餅為招牌，曾經日賣過千底，後來於荃灣開店，成為現今的蠔得喜。招牌蠔餅每件都是即叫即炸，秘製粉漿用猛火炸到酥脆香口，餅底卻能保持薄身，食到啖啖蠔仔，鮮甜而不腥。

Photo from PressLogic

香爆蝦米腸同樣是小店的拿手菜，老闆指腸粉只放鼓油、甜醬、辣醬等等實在太單調，所以自家研發了這道菜，腸粉炒得均勻又有鑊氣，嗜辣的你可以叫大辣，秘製辣醬加上蝦米乾，入口更惹味。

Photo from PressLogic

掃街怎少得炸燒賣，外皮脆卜卜又不會太乾，燒賣魚肉質感軟糯，表面有更有大量炸蒜，口感豐富，靈魂是其特製的醬汁，入口酸酸辣辣，令人食不停口！

Photo from PressLogic

如果想飽肚一點，小店更有售粉麵，當中炒烏冬人氣極高，同樣炒得夠鑊氣，用上秘製辣油炒香，不過就偏油膩！

Photo from PressLogic

小店的老闆相當友善，多醬少醬都歡迎隨時提出，雖然位置有點偏僻，但絕對值得一試！

蠔得喜
地址：荃灣建明街7號昌華大廈地下15C-2號舖
電話：港鐵荃灣站 A1 出口, 步行約3分鐘
營業時間：星期一至六 7am–10pm；星期日 8am–10pm

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel