女教師遭同事批地盤男友無見識 護航反擊 一招KO白鴿眼同行！

正所謂「職業無分貴賤」。現代不少人都唔介意另一半職業，只要對方腳踏實地就得。一名港女上網發文，不滿同事睇唔起從事地盤工嘅男友，又對事主戀情指手畫腳。最後，事主忍無可忍出言反擊。

Photo from 激戰 劇照

近日，一名女網民到Dcard論壇發文，稱自己喺學校任教中文，而男友係一名「地盤佬」。事主透露，雖然同工友做嘢會粗聲粗氣，但男友會孝順父母、重友情、無不良嗜好，亦對事主無微不至，所以其父母都認證關係。

Photo from 激戰 劇照

不過，事主一名教師同事知道佢男友做地盤後，便露出惡劣態度。該同事見過事主男友一面後，便批評「地盤佬唔識襯衫」，不滿其穿搭有「地盤佬味」。

Photo from 激戰 劇照

同事又批評地盤佬無讀書，唔識英文，「好似學校啲校工咁囉，讀唔到書啲懶人咪做牛工囉」，亦唔相信污糟嘅地盤工可以搵好多錢，更指事主讀書叻，跳級晉升大學並唔應該同個地盤佬一齊。

Photo from 愛‧回家 TVB

Photo from Dcard

事主為男友護航，指雖然佢讀書唔叻，但同佢有傾唔完嘅話題，非常開心。當事主生病時，男友會請假陪佢覆診。而且，男友月入近4萬港元，有花紅雙糧，又為將來打算學投資，現時儲到80萬，將來移民也無問題。

Photo from 心路GPS TVB

但同事認為事主只係好彩，坦言：「總之我就對啲低學歷嘅人有偏見啦」。然後，事主反擊：「你鍾意啦~你咪搵個喺哈佛讀Master/Phd嘅男朋友，識到記住講聲，周圍同人講佢高學歷，但人品就唔知喇。」同事聽罷，即不滿事主起鋼，對話就此結束。

Photo from Dcard 評論

事主補充，白鴿眼同事雖中大畢業，但工作上錯漏百出，不解為何會咁自大。之後，該同事亦不獲學校續約，而事主也跟佢絕交。

Photo from Dcard 評論

對此，不少網民都不滿事主同事狗眼看人低，直指「為人師表把口咁臭，俾著佢讀常春藤又如何？」、「睇唔起人哋份工先係最值得俾人睇唔起嗰個」。亦有網民指該同事唔識嘢，「地盤搵勁多囉好唔好」。

Photo from Dcard 評論

Photo from Dcard 評論

Photo from Dcard 評論

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）